هەرێمی کوردستان كێشه‌ی خاڵه‌ گومروکییه‌كانی لە گەڵ ئێران چارەسەر دەکات

به‌ڕێوبه‌ری گشتی گومروکی هه‌رێمی كوردستان لە دیداری سه‌ركونسوڵی كۆماری ئیسلامی ئێران له‌ سلێمانی جەختی کردە سەر ئامادەیی هەرێمی کوردستان بۆ چارەسەریی کێشەی خاڵە گومروکییەکان.

بە ڕاپۆرتی ئاژانسی هەواڵی مێهر، ڕۆژی ڕابردوو مه‌هدی شوشته‌ری سه‌ركونسوڵی كۆماری ئیسلامی ئێران له‌ سلێمانی له‌گه‌ڵ " عبدالرحمن عزیز " به‌ڕێوبه‌ری گشتی گومروکی هه‌رێمی كوردستان كۆبوویه‌وه‌.

  لەو دیدارەدا‌ کە به‌ ئاماده‌بوونی به‌ڕێوبه‌ری گومروکی سلێمانی و به‌ڕێوبه‌ری گومروکی باشماخ بەڕێوەچوو، ده‌رباره‌ی به‌هێزكردنی هاوكارییه‌كان له‌ بواری گومروک و ژێرخانه‌كان و چاره‌سه‌ركردنی كێشه‌كانی تایبه‌ت له‌ خاڵه‌كانی گومروکی سه‌رسنوری نێوان كۆماری ئیسلامی ئێران و هه‌رێمی كوردستان قسە کراوە.

شوشته‌ری له‌م دیداره‌دا جه‌ختی له‌سه‌ر گرنگی ڕۆڵی گومروک له‌ به‌رزكردنه‌وه‌ی مامه‌ڵه‌ بازرگانییه‌كان و خه‌ڵكی هه‌ردوولا كرده‌وه‌ و سوپاسی به‌ڕێوبه‌ران و كارمه‌ندانی گومروکی ئێران و هه‌رێمی كوردستانی كرد.

هەروەها داوای كرد هه‌وڵه‌كانی هه‌ردوولا بۆ چاره‌سه‌ركردنی كێشه‌كان و به‌رزكردنه‌وه‌ی تواناكان له‌ خاڵه‌ گومروکییه‌كانی هه‌ردولا به‌ مه‌به‌ستی گه‌شتن به‌ ئاسته‌ نێوده‌وڵه‌تیه‌كان زیاتر بكرێت.

لای خۆیه‌وه‌ به‌ڕێوبه‌ری گشتی گومروکی هه‌رێمی كوردستانی عێراقیش ئاماژه‌ی به‌ گرنگی په‌یوه‌ندییه‌ بازرگانیه‌كانی نێوان هه‌رێمی كوردستان و كۆماری ئیسلامی ئێران كرد و  ئاستی هاوكاری و هه‌ماهه‌نگییه‌ گومروکییه‌كانی نێوان ئێران و هه‌رێمی به‌ گونجاو هه‌ڵسه‌نگاند.

 هه‌روه‌ها جه‌ختی له‌ ئاماده‌یی هه‌رێمی كوردستان بۆ چاره‌سه‌ركردنی كێشه‌كانی خاڵه‌ گومروکییه‌كان كرده‌وه‌ به‌ ئامانجی ئاسانكاری بۆ ئاڵوگۆڕی بازرگانی.

News Code 29162

نیشانەکان

بۆچوونی ئێوە

You are replying to: .
  • 4 + 13 =