پلانی عەرەبستان بۆ ڕووخاندنی دەوڵەتی ئەردۆغان

میدیایەکی بەریتانی ڕایگەیاند کە بەڵگەگەلێکی لە شاندێکی ئیماراتی لەبارەی هەوڵی عەرەبستان بۆ کەمکردنەوەی پێگەی ناوچەیی تورکیا و ڕووخاندنی دەوڵەتی ئێستای ئەو وڵاتەی دەست کەوتووە.

بە ڕاپۆرتی ئاژانسی هەواڵی مێهر، ماڵپەڕی هەواڵی "میدل ئیست ئای" ڕایگەیاند کە ڕاپۆرتێکی نهێنی لە ناوەندی سیاسەتدانەریی ئیمارات سەر بە دەزگای هەواڵگریی ئەبووزەبی دەست کەوتووە کە تێیدا هاتووە: ڕیاز پاش کوشتنی جەماڵ خاشقجی رۆژنامەنووسی ڕەخنەگری سعوودی، پلانێکی ستراتژیی گرتۆتە بەر بۆ خستنی دەوڵەتی ڕەجەب تەیب ئەردۆغان سەرۆک کۆماری تورکیا و کەمکردنەوەی پێگەی ناوچەیی ئەو وڵاتە.

ڕاپۆرتەکە باس لەوە دەکات کە ئەردۆغان لە لێدوان و داپەڕەکانی خۆی بە تایبەت لە دوای دۆسیەی خاشقجی زێدەڕۆیی کردووە و بۆتە هۆی دابەزینی پێگەی عەرەبستان و چوونە ژێر پرسیاری کەسایەتی محەمەد بێن سەلمان جێنشینی ئەو وڵاتە و ئێستا کە ئەردۆغان لە سیاسی و نێودەوڵەتی کردنەوەی ئەو دۆسیەدا شکستی هێناوە، کاتی وەڵامدانەوە گەیشتووە.

بە گوێرەی ئەو ڕاپۆرتە، ئامانج لەو پلانە ستراتژیکە بە کار هێنانی تەواو کەرەسەگەلی مومکین بۆ خستنە ژێر گوشاری دەوڵەتی ئەردۆغان و لاوازکردنیەتی. هەروەها عەرەبستان بەو پلانە هەوڵی سەرقاڵ کردنی دەوڵەتی ئەردۆغان بە قەیرانە ناوخۆییەکان دەدات و دەیەوێ بەو کارە دەوڵەت تووشی هەڵە بکات هەتا ئۆپۆزیسیۆن بتوانێ بیڕووخێنێت.

ڕاپۆرتەکە بە ئاماژە بە پێشگریی ڕیاز لە چوونی ٨٠ ئۆتۆمبیلی بارهەڵگری تورکیا بە باری کۆتاڵ و مادەی کیمیایی لە رێگەی بەندەری زیا بۆ ناو عەرەبستان وەک یەکەمین دەرکەوتەکانی ئەو پلانە، باس لەوەش دەکات کە ئامانجی دواتری ڕیاز کەمکردنەوەی پێگەی ناوچەیی ئەردۆغان و تورکیا لە رێگەی کردنە ئامانجی ئابووریی ئەو وڵاتە و ئاستەنگ خستنە بەردم سەرمایەدانەریی لە ناوچە و پێشگری لە گەشتیاریی سعوودی بۆ تورکیایە.

هەروەها بە وتەی میدل ئیست ئای یەکێکی دیکە لە دەرکەوتەکانی ئەو پلانەی عەرەبستان لە دژی تورکیا و دەوڵەتی ئەردۆغان بانگهێشت نەکرانی ئەردۆغان لە گەڵ بەشار ئەسەد سەرۆک کۆماری سووریا و حەسەن ڕۆحانی سەرۆک کۆماری ئێران بۆ کۆبوونەوەی ڕێکخراوی هاریکاری ئیسلامی لە مەککەیە.

هەڵبەت لەو ڕاپۆرتەدا ئاماژە بەوە دراوە کە دەوڵەتی تورکیا ئاگاداری ئەو هەڵویستانەی بێن سەلمان لە دژی وڵاتەکەیەتی و بەرپرسێکی تورکیا کە نەیویست ناوی ئاشکرا بێت لەوبارەیەوە بەو میدیا بریتانییەی ڕاگەیاندووە کە هەنگاوەکانی عەرەبستان لە دژی دەوڵەتی تورکیا تا ڕادەیەک لە رێگەی تۆڕە کۆمەڵایەتییە پاڵپشتکراوەکانی عەرەبستان و میدیاکانی سعوودییەوە ئاشکرایە و بۆ داخستنی یەکجاریی پەیوەندییەکانیان لە گەڵ تورکیا هەوڵ دەدەن.

News Code 27807

نیشانەکان

بۆچوونی ئێوە

You are replying to: .
  • 9 + 6 =