ئامادەی دانوستانی دادپەروەرانەین/ جیهان دەبێت سپاسی سوپای پاسداران بکات

سەرۆک کۆماری ئێران وتی: بۆ ئەنجام دانی دانوستانی دادپەروەرانە و سەربەرزانە تەواو ئامادەین، بەڵام ئامادە نین بە ناوی دانوستانەوە لە سەر مێزی تەسلیم و چۆک دادان دابنییشین.

بە ڕاپۆرتی ئاژانسی هەواڵی مێهر، حەسەن ڕۆحانی ڕۆژی چوارشەمە لە کۆبوونەوەی ئەنجومەنی وەزیرانی ئێران وتی: یەکێک لە هەوڵەکانی دەوڵەتی یازدیەم ئەوە بووە کە لە بواری سیاسی و ڕێککەوتنە ئەگەرییەکاندا؛ بن بەستەکان بشکێت.

ڕۆحانی بە ئاماژە بەوەی کە عەرەبستان، ئەمریکا و ئیسرائیل هەوڵی زۆریان دا کە ئێران بن بەستە سیاسییەکان نەشکێنێت و دەستی بە ڕێککەوتنە نێودەوڵەتییەکان نەگات، وتی: بەڵام ئێمە هەر سەرکەوتین.

ڕۆحانی ڕاشیگەیاند کە ئێران خۆتەسلیم کردن و چۆک دادان بە ڕەوا نازانێت و گەلی  ئێران و یاسای بنەڕەتی وڵاتیش قبووڵی ناکەن، بەڵام بۆ دانوستانی دادپەروەرانە و لەسەر بنەمای ڕێز هەمیشە ئامادەن.

 زیادیشی کرد: هەموو خەڵکی وڵات بزانن کە ئێمە حەز بە لەنج کردن ناکەین و خوازیاری شەڕ و ئاژاوە نین ، بەڵام هاوکات قسەی زۆر قبووڵ ناکەین و تەسلیمی ملهوڕی نابین.

 سەرۆک کۆمار ڕایگەیاند: ئێران هاوکات لەگەڵ پاراستنی ئاسایشی کەنداوی فارس و گەرووی هورمۆز هەوڵ دەدات بۆ پاراستنی ڕێڕەوە ئاوییەکانی جیهان لەوانە بابولمەمندەب و ئوقیانووسی هیند.

 رۆحانی بە ڕێز گرتن لە هەنگاوی دلێرانەی سوپای پاسداران لە ڕاگرتنی پاپۆڕی پێشێلکەری بریتانیایی، وتی: دەبێ جیهان سپاسی سوپای پاسدارن بکات بۆ ئەوەی ئاسایشی کەنداوی فارس دەپارێزێت.

News Code 27584

نیشانەکان

بۆچوونی ئێوە

You are replying to: .
  • 5 + 1 =