ڕووانینی دەوڵەت هەمبەر بە فەرهەنگ گۆڕاوە

دەرهێنەر و نووسەری ناسراوەی کوردی بواری شانۆ وتی: بە خۆشحاڵییەوە چەندین ساڵە شایەدی گۆرانی نیگا و ڕووانینی دەوڵەت هەمبەر بە فەرهەنگین وهەر ئەوەشە دەبێتە هۆی بەڕێوەچوونی کۆنگرەی ناودارانی کورد.

بە ڕاپۆرتی ئاژانسی هەواڵی مێهر، قوتبەدین سادقی ئەمڕۆ لە پەراوێزی کرانەوەی پارکی ناوداران لە زنجیرە پرۆگرامەکانی کۆنگرەی نێونەتەوەیی ناودارانی کورد، ڕایگەیاند: ئەو کۆنگرە توانیویەتی هەنگاوێکی گەورە لە پێناو نیشان دانی گۆڕانی پێناسەی دەوڵەت لە فەرهەنگ هەڵگرێت.

ڕاشیگەیاند: دەبێ دان بەوەدا بنێین و بە گوێی بەرپرسانی بگەیێنین کە هونەرمەندانێک لە گەلانی دیکە و دوور لە تاران دەژین کە کار و ئایدیای گەورەیان پێیە و ئەو رێگەوە بۆ گەیاندنی زانیارییەکان بە گوێی دەوڵەت زۆر کاریگەرە و ڕێخۆشکەرە بۆ لێکگەیشتنی گەورە.

نووسەر و دەرهێنەری ناسراوەی بواری شانۆ لە درێژەدا وتی: لە پەنای ئەو پەیوەندیانە، گەل و خەڵکی ئێمەش دەبێ بەو بڕوایە بگەن کە لە پەنای چ بلیمەتانێک دەژین و بەو شێوە بەو خۆباوەرییە گەورەیە بگەن کە ئەوانیش دەتوانن لەو رێگەدا هەنگاو بنێن.

سادقی بیری هێنایەوە: ئەو دوو پرسە دەبنە هۆی ئەوەی کە ئێمە بتوانین لە هەلومەرجێکی بەرابەردا چالاکیگەلی فەرهەنگی و هونەری لە وڵاتدا ئەنجام بدەین بە متمانەیەکی زیاتر بە خۆ لە گەڵ دەوڵەت لە پێناو گەشەی چالاکییە فەرهەنگییەکان بدوێین.

ناوبراو وتیشی: کەسایەتیگەلێک کە ئەوڕۆ لەو پارکەدا مۆنۆمێنتەکانیان ڕوونوێنی دەکرێ، دەتوانن لە گواستنەوەی فەرهەنگەکان و ناساندنی ناوداران و بلیمەتانی کورد ڕۆڵێکی کارا بگێڕن.

ئەو مامۆستای شانۆکارییە ئاماژەی بەوەش دا: ئەو کەسانە دەتوانن لە کۆمەڵگادا ببنە نمانەیەکی ڕەمزی بۆ کەسانێک کە تا ئێستا ئەو ناودارانەیان نەدەناسی، چونکە کەس بە تەنیایی ناتوانێ تەواو ئەو گەنجانە بناسێت و دەبێ کەسانێکی دیکە ئەوانمان بە باشی پێ بناسێنن.

News Code 27241

نیشانەکان

بۆچوونی ئێوە

You are replying to: .
  • 2 + 15 =