عێراق نابێتە بنکەی هێرش کردنی ئەمریکا بۆ سەر ئێران

 سەرۆک کۆماری عێراق جەختی کرد کە هیچ کات ڕێگە نادەن ئەمریکا بنکە سەربازییەکانی لە ناو خاکی عێراق دژی وڵاتانی دراوسێ و ئێران بەکار بێنێت.

بە راپۆرتی ئاژانسی هەواڵی مێهر لە ئەلعالەم، بەرهەم ساڵح، سەرۆک کۆماری عێراق لە گفتوگۆ لەگەڵ سی ئێن ئێن وتی: کەڵک وەرگرتن لە بنکەکانی عێراق دژی ئێران بەشێک نییە لە رێککەوتنی نێوان دەوڵەتی عێراق و ئەمریکا.

 لەو ڕاپۆرتەدا هاتووە، ئەمریکا دەبێ بزانێت کە دەستپێکردنی شەڕ لەگەڵ ئێران زۆر ئاسانە بەڵام کۆتایی هێنان بە شەڕ زۆر دژوارە.

 بەرهەم ساڵح هەروەها ئاماژەی دایە سیاسەتی گەمارۆی ئەمریکا و وتی: عێراق لە دەیەی ۱۹۹۰ بە ڕاستی بە هۆی گەمارۆوە ئازاری دەبینی و کاریگەریی ماڵکاولەرەکانی ئەو ئابلۆقە هێشتا لەسەر کۆمەڵگای عێراق ماوە.

 شیاوی ئاماژەیە کە دۆناڵد ترامپ، سەرۆک کۆماری ئەمریکا شەوی رابردوو بە دەرکردنی بڕیارێکی نوێ، گەمارۆی نوێی بەسەر ئێراندا سەپاند.

News Code 27118

نیشانەکان

بۆچوونی ئێوە

You are replying to: .
  • 8 + 9 =