وەزیری دەرەوەی ئەڵمانیا گەیشتە ئێران

بە ڕاپۆرتی ئاژانسی هەواڵی مێهر لە ڕۆیتێرز، باڵوێزی ئەڵمانیا لە ئێران لە فڕۆکەخانە پێشوازی لە وەزیری دەرەوەی ئەڵمانیا کردووە.

دەوترێت: دانوستان سەبارەت بە داهاتووی بەرجام و جێبەجێ کردنی کاناڵی دارایی هاوبەشی ئێران و ئەورووپا ناسراو بە ئینستکس لە سەرەکی ترین تەوەرەکانی دانوستانی وەزیری دەرەوەی ئەڵمانیا و بەرپرسانی ئێرانی دەبێت.

 سەرچاوەیەکی دیپلۆماتیک ڕایگەیاندووە کە هایکۆ ماس وەزیری دەرەوەی ئەڵمانیا  لەم سەفەرەیدا لەگەڵ حەسەن ڕۆحانی سەرۆک کۆماری ئێران دیدار و گفتوگۆ دەکات.

سەفەرەکەی ماس بۆ ناوچەکە لە چوارچێوەی هەوڵی ئەورووپاییەکان بۆ پاراستنی ڕێککەوتنی ناڤۆکی ئێران و کەم کردنەوەی تەنگژەکان  دێت.