ئاماده‌ین که‌ کاره‌با تاکوو ۲۰۰ مگا وات بۆ هه‌رێمی کوردستان بنێرین

جێگری ئابووری پارێزگاری کوردستان وتی: له‌ ئێستادا ئاماده‌یی ئه‌وه‌مان هه‌یه‌ که‌ کاره‌با تاکوو ۲۰۰ مگا وات بۆ هه‌رێمی کوردستان و باکووری عێراق هه‌نارده‌ بکه‌ین.

به ڕاپۆرتی ئاژانسی مێهر، حسه‌ین فیروزی، جێگری ئابووری پارێزگاری کوردستان وتی: بێجگه‌ له‌ هه‌نارده‌ کردنی گاز، له‌ ئێستادا ئاماده‌یی ئه‌وه‌مان هه‌یه‌ که‌ کاره‌با تاکوو ۲۰۰ مگا وات بۆ هه‌رێمی کوردستان و باکووری عێراق هه‌نارده‌ بکه‌ین.

ئه‌و زیادی کرد: له‌ که‌رتی هه‌نارده‌ کردنی گاز بۆ هه‌رێمی کوردستان له‌ ڕووی ته‌کنیکی و ئه‌ندازیاریشه‌وه‌ لێهاتوویی باش له‌ پارێزگاکه‌ هه‌یه‌ و ده‌توانین به‌ باشی هاوکاری ده‌وڵه‌ت له‌مڕووه‌شه‌وه‌ بکه‌ین.

جێگری ئابووری پارێزگاری کوردستان وتی: لێژنه‌ی په‌ره‌دان به‌ هاوکاری ئابووری له‌گه‌ڵ عێراق و سووریا له‌ ده‌وڵه‌ت چالاک بووه‌ و ده‌کرێت له‌م ده‌رفه‌ته‌ به‌ باشی سوود ببرێت. ئه‌مه‌ش نیشان ده‌دات که‌ ده‌وڵه‌ت له‌ دوای په‌ره‌دان به‌ که‌رتی تایبه‌ت و پشتیوانی کردن له‌ بازه‌رگانه‌ ئێرانییه‌کانه‌.

فیروزی وتی: پارێزگای کوردستان به‌ هۆی ئه‌وه‌ی سنووری زۆری له‌گه‌ڵ عێراق هه‌یه‌ ده‌توانێت ڕۆڵی باشی له‌م کاره‌دا هه‌بێت و هه‌لی کاری زۆر له‌ پارێزگاکه‌دا به‌م بۆنه‌وه‌ بڕه‌خسێت. ئێمه‌ به‌ کرده‌وه‌ ئه‌م ئامانجانه‌ی ده‌وڵه‌ت له‌ سنووره‌کانی باشماخ، سێفی سه‌قز و سه‌یرانبه‌نی بانه‌ جێبه‌جێ ده‌که‌ین.

News Code 24183

نیشانەکان

بۆچوونی ئێوە

You are replying to: .
  • 3 + 13 =