بوومەلەرزەیەکی به‌هێز کرماشانی هه‌ژاند

بە ڕاپۆرتی ئاژانسی مێهر، چەند کاتژمێر بەر لە ئێستا بوومەلەرزەیەکی ٤.٤ ڕیشتری ناوچەی تازاوا سەلاسی باوەجانی سه‌ر به‌ پارێزگای کرماشانی لەراندەوە.

ئەم بوومەلەرزە لە قووڵایی ٨ کیلۆمەتری زەوی ڕووی داوە، ناوەندەکەی دەکەوێتە ۲۰ کیۆمەتری تازاوا، ۲٨ کیلۆمەتری جوانڕۆ، ۳۰ کیلۆمەتری کۆزەران و ۷٨ کیلۆمەتری کرماشان.

شایانی باسە کە بوومەلەرزەیەکی ۷.۳ ڕیشتری لە ۲۱ خازەڵوەری ساڵی ۹٦ی هەتاوی لە کرماشان ڕوویدا کە بە هۆیەوە ٦۲۰ کەس کوژران و ۱۲ هەزار و ۳٨٦ کەس بریندار بوون، لە یەک ساڵی ڕابردوودا زیاتر لە ٥ هەزار بوومەلەرزە لەم ناوچەیەی داوە.