پشتیوانی ته‌واو له‌ سەرمایەدانەری کەرتی تایبەت لە مەریوان ده‌که‌ین

فەرمانداری شاری مەریوان وتی: سەرمایە و سەرمایەدانەر لە لایەن کەرتی تایبەتەوە لە ئەو شارستانە سەداسەد دەستەبەر دەکەین.

بە ڕاپۆرتی ئاژانسی هەواڵی مێهر، موحەمەد شەفێعی ئەمڕۆ شەممە لە ڕێوڕەسمی کردنەوەی فیستیڤاڵی نێودەوڵەتی شانۆی سەر شەقامی مەریوان کە لە پارکی شانۆ بەڕێوە چوو، جارێکی تر داوای دیاری کردنی بوودجەی نەتەوەیی بۆ ئەو فێستیڤاڵەی کرد و وتی: یەکێک لە پێداویستییەکان بۆ مانەوەی هەرچی زیاتری ئەو فێستیڤاڵە تەرخان کردنی بوودجەیە.

ڕایگەیاند کە ئەگەر کردنەوەیەکی شاد بەڕیوە نەچووە هۆکارەکەی دەگەرێتەوە بۆ چلەی ١١ شەهیدی سنوورەوان و هەروەها ڕێز دانان بۆ چوار ژینگە پارێز کە گیانی خۆیانیان لە کوژاندنەوەی ئاگری دارستانی داڕبەڕووەکان بەخت کرد.

شه‌فێعی بە ئاماژە بە ئەوەی کە هونەرمەندانێک لە پێنج وڵاتی بیانیشەوە لە ئەو فێستیڤاڵە بەشداریان هەیە، وتی: گرووپگەلێک لە فەڕەنسا، ئەرمەنستان، عێراق، ئازەربایجان و ئیسپانیاوە لە ئەو فێستیڤاڵە بەشداریان هەیە.

داوای لە میدیاکانیش کرد کە ڕاستییەکانی مەریوان بڵاو بکەنەوە و وتی: هیچ کێشەیەک بۆ سەرمایەدانەری لە مەریوان نییە و سەرمایە و سەرمایەدانەر لە ئەو شارستانە سەداسەد دەستبەر دەکەین.

News Code 21367

نیشانەکان

بۆچوونی ئێوە

You are replying to: .
  • 1 + 3 =