بە ڕاپۆرتی هەواڵنێری ئاژانسی مێهر، زاوای بنەماڵەیەک لە دیواندەرە بە چەک خەزوور، خەسوو و هاوسەری پێشوو و یەکێکی دیکە لە ئەندامانی بنەماڵەی هاوسەرەکەی کوشت.
بە وتەی سەرچاوە خۆجێیەکان و شایەدانی نزیک، زاوای ئەو بنەماڵەیە کە پێشتر لە گەڵ هاوسەرەکەی کێشەی بووە، نزیکەی کاتژمێری ٦ی سەر لە بەیانیی ئەوڕۆ بە چەک خەزوور، خەسوو و هاوسەری پێشووی کە بۆ ساڵێک دەچێت تەڵاقی داوە، کوشت.
لەو ڕووداوە دوو مێرمنداڵی دیکەی ئەو بنەماڵەیە بریندار بوونە کە چەند کاتژمێر لەوە پێش بە هۆی زەختی برینەکەی، یەک لەو دوو میرمنداڵە لە نەخۆشخانەی دیواندەرە گیانی خۆی لە دەست دا و ژمارەی کوژراوانی ئەو ڕووداوە گەیشتە ٤ کەس.
Your Comment