ئەنقەرە هەوڵی دابەش کردنی هەرێمی کوردستان دەدات

بەرپرسێکی یەکێتیی نیشتمانیی کوردستان ڕایگەیاند: تورکیا هەوڵ دەدات هەرێمی کوردستان دابەش بکات ئەوەش لە ڕێگای دروست کردنی فیتنە لە نێو خەڵکی هەرێم لە ڕێگای ڕێگری کردن لە گەشتە ئاسمانییەکانی وڵاتەکەی بۆ پارێزگای سلێمانی.

بە ڕاپۆرتی ئاژانسی مێهر لە میدیا عێراقییەکان، غیاس سوورچی وتی: ئەنقەر بە نیازە هەرێمی کوردستان بە دوو بەشی ئیدارەی سلێمانی و ئیدارەی هەولێر دابەش بکات.

ئەو زیادی کرد: ئەم کارە بە مەبەستی لاواز کردنی هەرێمی کوردستانە، بۆیەش تورکیا ڕێگری دەکات لە گەشتە ئاسمانییەکانی خۆی بۆ فڕۆکەخانەی سلێمانی.

سوورچی جەختیشی کرد: هەموو هێزەکانی پارتی کرێکارانی کوردستان لە شەنگال کشاونەتەوە و کەسێک لەو ناوچەیەدا نەماوە و ئێستا ئەو هێزانە لە چیای قەندیل لە نزیکیی سلێمانی دان.

ئەم بەرپرسە کورە وتی: تورکیا بە دوای بیانووە بۆ دەستێوەردان لە کاروباری ناخۆیی عێراق و چاوی تەماحی لە هەموو ناوچەکانی موسڵە.

News Code 17752

نیشانەکان

بۆچوونی ئێوە

You are replying to: .
  • 1 + 2 =