هاوپه‌یمانی ئه‌مریکا سوورییه‌کان ده‌کوژێت و پشتیوانی داعشه‌

نوێنه‌ری سووریا له‌ نه‌ته‌وه‌ یه‌کگرتووه‌کان ئاماژه‌ی به‌ بۆردمانه‌کانی هاوپه‌یمانی دژه‌ داعش به‌ ڕێبه‌ری ئه‌مریکا کرد و وتی: هاوپه‌یمانی ئه‌مریکا تووشی جه‌نایه‌ت بوون و پشتیوانی داعشن.

به‌ ڕاپۆرتی ئاژانسی مێهر له‌ ئه‌لنه‌شره‌، به‌شار جه‌عفه‌ری، نوێنه‌ری سووریا له‌ نه‌ته‌وه‌ یه‌کگرتووه‌کان ڕایگه‌یاند: هاوپه‌یمانی نێونه‌ته‌وه‌یی به‌ ڕێبه‌ری واشنتۆن خه‌ڵکی سووریا ده‌کوژێت.

ئه‌و جه‌ختی کرد: هێرشه‌ ئاسمانییه‌کانی هاوپه‌یمانی له‌ ۲۵ی فێڤرییه‌ له‌ پارێزگای ده‌یره‌زوور بووه‌ته‌ هۆی کوژرانی ۲۹ که‌سی سڤیل و بریندار بوونی ده‌یان که‌س، هه‌روه‌ها زیانی مادی زۆر به‌ دانیشتوانی ناوچه‌که‌ که‌وتووه‌.

جه‌عفه‌ری له‌ نامه‌یه‌ک به‌ نه‌ته‌وه‌ یه‌کگرتووه‌کان و ئه‌ندامانی ئه‌نجومه‌نی ئاسایش ڕایگه‌یاند: هاوپه‌یمانی درێژه‌ به‌ کوشتاری خه‌ڵکی سووریا ده‌دات و پشتیوانی له‌ داعش ده‌کات و هه‌وڵ ده‌دات تیرۆریسته‌کان به‌ مه‌به‌ستی دژایه‌تی ده‌میشق له‌ ڕه‌قه‌ و ده‌ره‌زوور کۆ بکاته‌وه‌.

ئه‌و وتی: ته‌نیا ئامانجی هاوپه‌یمانی نێونه‌ته‌وه‌یی پێشێل کردنی سه‌روه‌ری خاکی سووریا و یه‌کپارچه‌یی ئه‌م وڵاته‌ و درێژه‌دان به‌ قه‌یرانی سووریایه‌.

به‌شار جه‌عفه‌ری داوای کرد تاکوو کاری به‌ په‌له‌ به‌ مه‌به‌ستی ڕاگرتنی شه‌ڕ ئه‌نجام بدرێت و زیادی کرد: ئه‌نجومه‌نی ئاسایش ده‌بێت بۆ کۆتایی هێنان به‌ بوونی ئه‌مریکا له‌ سووریا هه‌نگاو هه‌ڵبگرێت.

News Code 17489

نیشانەکان

بۆچوونی ئێوە

You are replying to: .
  • 4 + 7 =