ئه‌مریكا پاره‌ی پێشمه‌رگەی‌ ڕاده‌ستی بەغدا کردووە

پەرلەمانتارێکی یەکێتی نیشتمانی لە پەرلەمانی کوردستان ئاشکرای کرد: ناردنی‌ پاره‌كه‌ی‌ ئه‌مریكا بۆ هێزی‌ پێشمه‌رگه‌ گۆڕانكاریی به ‌سه‌ردا هاتووە و ته‌واوی‌ پاره‌كه‌ ڕاده‌ستی‌ حكوومه‌تی‌ عێراق کراوە.

بە ڕاپۆرتی ئاژانسی هەواڵی مێهر، قادر ڕه‌زگه‌یی بڕیارده‌ری لیژنه‌ی ناوخۆ و ئاسایش و ئه‌نجومه‌نه‌ خۆجێیه‌كان له‌ په‌رله‌مانی‌ كوردستان به‌ تۆڕی هەواڵی سلێمانی (SNN) ڕاگه‌یاند: ئه‌مریكا بودجه‌ی تایبه‌ت به‌ موچه‌ی لیوا هاوبه‌شه‌كانی هێزی پێشمه‌رگه‌ی‌ ناردۆته‌ به‌غدا و تا ئێستاش حكوومه‌تی عێراق چه‌ند وه‌جبه‌یه‌كی پاره‌كه‌ی ناردۆته‌ وه‌زاره‌تی دارایی هه‌رێم كه‌ هه‌ر جاره‌ و بڕه‌كه‌ی پێنج ملیارد دینار بووه‌، به‌و واتایه‌ی تا ئێستا عێراق كۆی پاره‌كه‌ی نه‌ناردووە.

ناوبراو وتیشی: زۆربه‌ی لیوا هاوبه‌شه‌كان موچه‌یان له‌پ اره‌كه‌ی ئه‌مریكا وه‌رگرتووه ‌و ته‌نیا لیوای ۱۲ نه‌بێت كه‌ تا ئێستا موچه‌یان پێنه‌دراوه‌.

ڕه‌زگه‌یی ئاماژەی بەوەش دا: ئەگەرچی سه‌ره‌تا حكوومه‌تی هه‌رێم به‌ڵێنی دا به‌ بێ پاشه‌كه‌وت موچه‌ی لیوا هاوبه‌شه‌كان له ‌پاره‌كه‌ی ئه‌مریكا دابه‌ش بكات، به‌ڵام دواتر پاشگه‌ز بۆوه‌ و ئێستا به ‌ئاشكرا غه‌در له ‌پێشمه‌رگه‌ ده‌كات.

بڕیارده‌ری لیژنه‌ی ناوخۆ و ئاسایش و ئه‌نجومه‌نه‌ خۆجێیه‌كان له‌ په‌رله‌مانی‌ كوردستان ڕاشیگەیاند: ئێستا داهاتی مانگانه‌ی‌ حكوومه‌تی هه‌رێم به‌ بێ منه‌تی به‌شی ئه‌وه‌ ده‌كات كه‌ ۳۰ ڕۆژ جارێك موچه‌ی ته‌واوی فه‌رمانبه‌ران به ‌پاشه‌كه‌وته‌وه‌ دابه‌ش بكات، به‌ڵام حكوومه‌ت سیاسه‌تی برسی كردنی خه‌ڵك په‌یڕه‌و ده‌كات و بێده‌نگی هاووڵاتیانی قۆستۆته‌وه‌.

News Code 17412

نیشانەکان

بۆچوونی ئێوە

You are replying to: .
  • 2 + 12 =