کوردستانییەکان "نا"یەکی گەورەیان بە دوژمن وت

جێگری سیاسی و ئەمنیی پاریزگاری کوردستان وتی: خەڵکی بە ئاگا و هۆشیاری ئەو پاریزگایە لە ڕووداوەکانی ئەم دواییە "نا"یەکی گەورەی بەو کەسانەی کە دژی سەرفەرازیی ئێرانی ئیسلامین، دایەوە.

بە ڕاپۆرتی ئاژانسی مێهر، حسین خۆش ئێقباڵ ئەمڕۆ سێ شەممە لە کۆمیسیۆنی پلان داڕێژی، هاوئاهەنگی و چاودێریی بەرەنگاربوونەوەی قاچاخی کاڵا و دراوی پاریزگا کە لە هۆڵی شوهەدای دەوڵەتی پارێزگاری بەڕێوەچوو، وێرای بەرزنرخاندنی هەڵوێستی ساردی خەڵکی پاریزگا هەمبەر بە بشێوییەکان، وتی: خەڵکی بە ئاگا و هۆشیاری ئەو پاریزگایە لە ڕووداوەکانی ئەم دواییە "نا"یەکی گەورەی بەو کەسانەی کە دژی سەرفەرازیی ئێرانی ئیسلامین، دایەوە.

ڕاشیگەیاند: دوژمنانی نیزامی کۆماری ئیسلامی ئێران دڵنیا بن کە خەڵکی ئێمە سەرەڕای تەواو کێشەگەلی ئابووری و ڕەخنەکانی ئێستایان، شۆڕش، نیزام و رێبەری خۆیان خۆش دەوێت.

جێگری سیاسی و ئەمنیی پاریزگاری کوردستان وتیشی: بێ شک بە هۆشیاەیی خەڵکی و بەرپرسان و تەواو کاربەدەستان، بۆ جارێکی دیکە پیلانی دوژمنان پووچەڵ دەکرێتەوە.

ناوبراو لە بەشێکی دیکە لە لێدوانەکانیدا بە ئاماژە قاچاخی کاڵا وەک کێشەیەکی جیدیی وڵات، ڕایگەیاند: تا بەرهەم و داهێنانی ناوخۆیی پەرەنەستێنێت و لەباری فەرهەنگیشەوە میدیا و زانکۆکانیش بە شێوەی ئاگادارانە هەنگاو نەنێنە ناو پرسی قاچاخ، ئەو کێشەیە وەک خۆی دەمێنێتەوە.

News Code 15769

نیشانەکان

بۆچوونی ئێوە

You are replying to: .
  • 8 + 5 =