۸۵ فەرمانبەری ده‌زگای ئاسایشی تورکیا زیندانی کران

۸۵ فەرمانبەری ده‌زگای ئاسایشی تورکیا به‌ تۆمه‌تی ئه‌ندامێتی له‌ جه‌ماعه‌تی گوله‌ن ڕه‌وانه‌ی زیندان کران.

بە ڕاپۆرتی ئاژنسی هەواڵی مێهر بە گێڕانەوە لە ڕۆژنامه‌ی ستاری تورکیا، دانیشتنی دادگه‌ی لێکدانه‌وه‌ی دۆسیه‌ی ۹۵ فەرمانبەری ده‌زگای ئاسایشی ئه‌سته‌نبۆڵ که‌ له‌ لایه‌ن دادستێنی کۆماری تورکیا و لقی دژه‌ تیرۆری تورکیا ئامادە کراوە، لە کاتێکدا ئەمڕۆ لە دادگەی ئاشتی و سزای ئەو شارە بەڕێوەچوو کە پاش خوێندرانەوەی به‌رگری­نامه‌ و لێدوانی تۆمه‌تباران، دادوه‌ری دۆسیه‌که‌ حوکمی زیندانی کردنی ۸۵ که‌سی ده‌رکرد.

له‌ نێوان ئه‌و ۱۰‌ که‌سه‌ی ئازاد کراون، سێ که‌سیان ئه‌ستۆپاکییان سه‌لمێندراوه‌ و حه‌وتی دیکه‌شیان به‌ بۆنه‌ی په‌شیمان بوونه‌وه‌یان و ددان نانیان به‌ تاوانه‌کانیاندا به‌خشراون.

شایانی باسە هه‌ر له‌و بواره‌دا دۆسیه‌ی ۱۵۳ فەرمانبەری دیکەی ده‌زگای ئاسایشی ئه‌سته‌نبۆڵ ئێستاکه‌ له‌ دادگه‌ دیراسه‌ ده‌کرێت و له‌ ڕۆژانی داهاتوودا دانیشتنی دادگه‌ی ئه‌و دۆسیانه‌ش بەڕێوەدەبرێت.

News Code 14975

نیشانەکان

بۆچوونی ئێوە

You are replying to: .
  • 1 + 1 =