به‌رز بوونه‌وه‌ی ۳.۵ له‌ سه‌دی ڕێژه‌ی خوێنه‌وار له‌ کوردستان

نووسینگه‌ی ئاماری پارێزگای کوردستان ڕایگه‌یاند که‌ ۳.۵ له‌ سه‌دی ڕێژه‌ی نه‌خوێنه‌وار له‌م پارێزگایه‌ به‌ نیسبه‌ت ساڵی ۹۴ که‌م بوونه‌ته‌وه‌ و زیاترین بێ سه‌واده‌کان ژنانی گونده‌کانی کوردستانن.

به‌ راپۆرتی ئاژانسی مێهر، مه‌سعوود سالمی، به‌ڕێوه‌به‌ری نووسینگه‌ی ئاماری کوردستان له‌ کۆبوونه‌وه‌ی ئه‌نجومه‌نی پشتیوانی خوێنده‌واری پارێزگای کوردستان ڕایگه‌یاند: ڕێژه‌ی نه‌خوێنه‌وارانی کوردستان ۲۹۷ هه‌زار که‌س بووه‌ که‌ به‌ پێی ئاماره‌کانی ساڵی ۹۵ ئه‌م ڕێژه‌یه‌ بۆ ۲۶۵ هه‌زار که‌س دابه‌زیه‌وه‌.

ئه‌و زیادی کرد که‌ له‌ ماوه‌ی ۵ ساڵی ڕابردوودا ۱۱۹ هه‌زار که‌س خوێنده‌وار بوون. ڕێژه‌ی خوێنه‌واری پارێزگای کوردستان ئێستا ۸۱.۵ له‌ سه‌ده‌ که‌ ۳.۵ له‌ سه‌د زیادی کردووه‌.

ئه‌و وتی: پارێزگای کوردستان له‌ ئێستادا ۳۰مین پارێزگای ئێرانه‌ که‌ که‌مترین ڕێژه‌ی نه‌خوێنه‌واری هه‌یه‌. زیاترین ڕێژه‌ی ژنانی خوێنده‌وار له‌ گونده‌کانی بانه‌ دایه‌ که‌ ۶۸.۴ له‌ سه‌دی خوێنده‌وارن و که‌مترین بیجاڕه‌ که‌ ۵۸ له‌ سه‌دی ژنانی گونده‌کانی خوێنده‌وارن.

ئه‌و له‌ کۆتایدا وتی: میانگینی خوێنده‌واری ژنانی کوردستان ۶۳.۴ له‌ سه‌ده‌ و میانگینی خوێنده‌واری ژنانی ئێران ۷۹.۹ له‌ سه‌ده‌. ئه‌مه‌ش نیشان ده‌دات که‌ ده‌بێت خوێنده‌واری له‌ کوردستان یه‌که‌مایه‌تی به‌رپرسانی پارێزگاکه‌ بێت.

News Code 11023

نیشانەکان

بۆچوونی ئێوە

You are replying to: .
  • 1 + 1 =