سووکایەتی بە پاپای ڤاتیکان هەرا لە ئێران دەنێتەوە

بە ڕاپۆرتی ئاژانسی هەواڵی مێهر، ئیسماعیل بەقایی، وتەبێژی وەزارەتی دەرەوەی ئێران، لە وەڵامی ئەو سووکایەتییەی بەرپرسانی ئەمریکا بە پاپا، ڕێبەری مەسیحییە کاتۆلیکییەکان، لە تۆڕی ئێکس نووسیویەتی: "لە سەردەمێکدا کە قیژەی بۆمب و جەنجاڵی ئاغاکانی جەنگ و دەستدرێژکاران قورسایی لەسەر ویژدانی جیهان دادەنێت، قسەکانی پاپا لیۆی چواردەهەم ڕەنگدانەوەی بانگەوازی ئینسانی-ئیلاهیانەی ئینجیلە "خۆشبەختن ئاشتیخوازان."

ئاماژەی بەوەشکرد: سووکایەتیکردن بە پاپا لیۆی چواردەهەم تەنها ڕەفتارێک نییە کە پێچەوانەی ڕێنماییەکانی ئایینی مەسیحی بێت، بەڵکوو هێرشێکی ڕوونە بۆ سەر بانگەوازی ئاشتی و دادپەروەری و مرۆڤایەتی.