بە ڕاپۆرتی ئاژانسی هەواڵی مێهر لە کەناڵی ئەلجەزیرەی قەتەر، ڕۆژنامەی جرۆزالم پۆست چاپی ئیسرائیل لە زمانی سەرچاوە ئاگادارەکانەوە ئاشکرای کرد: ناوەندە سیاسی و ئەمنییەکانی ئیسرائیل لە گۆڕینی هەڵوێستی دۆناڵد ترامپ هەمبەر ئێران تووشی شۆک بوون.
ئەو ڕاپۆرتە پاگەندەی کرد: ترامپ کە لە ساڵی 2024 خوازیاری هێرشی سەربازی بۆ سەر بەرنامەی ئەتۆمی ئێران بوو، لە ساڵی 2025 وادایارە ڕێگایەکی جیاواز دەپێوێت.
بە گوێرەی ئەم ڕاپۆرتە، بەرپرسانی ئیسرائیلی بەتایبەتی لە نیشانەکانی ئەگەری پێشکەوتن بۆ گەییشتنی ڕێککەوتنی نوێ لە نێوان ترامپ و ئێران نیگەرانیان دەربڕیوە؛ ڕێککەوتنێک کە بە پاگەندەی ئەوان زۆر ناتەواوە و دەتوانێت دەستکەوتەکانی ڕابردوو لە بواری ئەوەی کە ئەوان "کۆنترۆڵی چالاکییە ئەتۆمییەکانی ئێران"یان ناو لێناوە، پووچەڵ بکاتەوە.
ئیسرائیل لە ڕۆژانی دواییدا هەوڵی زۆری داوە کە لەمپەر لە سەر ڕێگای ڕێککەوتنی ئێران و ئەمریکا دروست بکات.
پێش لە بەڕێوەچوونی دانوستانەکان لە ڕۆما، شاندێک بریتی لە وەزیری ستراتیژی ئیسرائیل و سەرۆکی مووساد بۆ کاریگەری لەسەر دانوستانەکانی ئێران و ئەمریکا و دیدار لەگەڵ ویتکاف چوونەتە پاریس.
سەرچاوە ئیسرائیلییەکان ئاشکرایان کرد کە ناوەندە سیاسییەکانی ئەو ڕژێمە لە پێشکەوتنی دانوستانەکانی ئێران و ئەمریکا شۆک بوون.
News ID 54751
Your Comment