بە پێی ڕاپۆرتی ئاژانسی هەواڵی مێهر، هەیسەم خەزعەلی شارەزای ئەمنی لەم پێوەندییەدا ڕایگەیاند: ئەبو محەممەد ئەلجولانی ڕێبەری تیرۆریستانی حوکمڕانی سووریا بە هەڵگیرسانی ململانێیە تائیفیەکان پلانی ئەمریکی و زایۆنی بۆ دابەشکردنی وڵات جێبەجێ دەکات.
ناوبراو هۆشداری دا لە توندتربوونی ململانێیە ناوخۆییەکان لە سووریا و وتی: ڕژێمی زایۆنی لە هەوڵی دابەشکردنی سوریایە بۆ پێنج ناوچەی ئۆتۆنۆم و ئەلجۆلانی ڕۆڵی پێشەنگی لەم کارەدا دەگێڕێت.
وتیشی: چین و توێژە جیاوازەکانی کۆمەڵگای سووریا لەوان کورد، دروز و عەلەوییەکان لەم پیلانەدا ئامانجن.
خەزعەلی زیادی کرد: دەزگای هەواڵگری وڵاتانی ڕۆژئاوا و ڕژێمی زایۆنی پشتیوانی لەم کوشتارانە دەکەن، چونکە دەوڵەتی سووریا لاواز دەکەن. لە قۆناغی داهاتوودا ڕەنگە دەستێوەردانی بەربڵاوی دەرەکی بۆ پشتیوانی لە تیرۆریستان ببینین.
Your Comment