بە ڕاپۆرتی ئاژانسی هەواڵی مێهر، سەید عەباس عێراقچی، وەزیری دەرەوەی ئێران لە پەراوێزی کۆبوونەوەی وەزیرانی دەرەوەی وڵاتانی ئەندامی ڕێکخراوی هاوکاری ئیسلامی لە جدە بە ئاژانسی فرانس پرێسی ڕاگەیاند: تا ئیدارەی ترامپ زۆرترین فشار بخاتە سەر ئێران، ئێران دانوستانەکانی لەگەڵ ئەمریکا سەبارەت بە بەرنامە ئەتۆمییەکەی دەست پێناکاتەوە.
ناوبراو لە درێژەی قسەکانیدا وتی: بەرنامەی ئەتۆمی ئێران بە هێرشی سەربازی لەناو ناچێت. ئەمە ئەو تەکنۆلۆژیایەیە کە بەدەستمان هێناوە، تەکنەلۆجیا لە مێشکدایە و مێشک بۆردومان ناکرێت.
عێراقچی زیادی کرد: ئێران هیچ پەلەیەکی نییە لە دامەزراندنی پەیوەندی لەگەڵ حکومەتی نوێی سووریا.
ئاماژەی بەوەشکرد: ئەگەر ئیسرائیل هێرش بکاتە سەر ئێران ئەوە شەڕێکی بەرفراوانتر لە ڕۆژهەڵاتی ناوەڕاستدا بەدوای خۆیدا دەهێنێت.
Your Comment