بە ڕاپۆرتی ئاژانسی هەواڵی مێهر، ڕێکخراوی وزەی ئەتۆمیی ئێران لە ڕاگەیێندراوەکەی لە وەڵامی لێدوانەکانی ئەم دواییەی ڕافائێل گرۆسی، بەڕێوەبەری گشتیی ئاژانسی نێودەوڵەتی وزەی ئەتۆمی، ڕایگەیاند: چاوەروانی لە بەڕیوەبەری گشتیی ڕێکخراوێکی گرنگی نێودەوڵەتی دەکرێت کە بەردەوام بێ‌لایەن، پڕۆفێشناڵ و بەدوور لە لاگریی سیاسی بدوێت و بجووڵێتەوە.
ڕێکخراوی وزەی ئەتۆمی ئێران لە درێژەدا بە ئاماژە بە هەڵوێستەکانی ئەمدواییەی گرۆسی لە ژاپۆن هەمبەر بە ئێران و ئەوەی کە ئێران دەبێ هەوڵی دوورەپەرێزانەی بۆ چێکردنی بۆمبی ئەتۆمی بسەلمێنێت، ڕاشیگەیاند: لە هەلومەرجێکدا کە ئەمریکا و هەندێک لە وڵاتانی ڕۆژئاوایی بەدوای کەڵک‌ئاوەژوویی لەو ئاژانسی وزەی ئەتۆمی بۆ گوشارخستنە سەر ئێرانن، ئەو لێدوانە سیاسی و ناپڕۆفێشناڵانە دەتوانێ پێخۆرێک بێت بۆ ئەو جۆرە پیلانانە.
Your Comment