بە ڕاپۆرتی ئاژانسی هەواڵی مێهر، دۆناڵد ترامپ، سەرۆکی ئەمریکا کە لە یەکەم خولی سەرۆکایەتیدا سیاسەتی زۆرترین گوشاری دژ بە ئێرانی بوو و شکستی هێنا، ئێستا بە دوای چارەسەرێکی دیکەدا دەگەڕێت بۆ ڕازیکردنی تاران بۆ هاتنە سەر مێزی دانوستان.
بەم پێیە، ترامپ لە دوایین لێدوانەکانیدا ڕایگەیاند: "زۆر وڵات هەن، لەوانە ئێران، کە بەدوای ئاشتی لە ڕۆژهەڵاتی ناوەڕاستدا دەگەڕێن". هەروەها ئاماژەی بەوەش دا کە ئامادەیە لەگەڵ مەسعوود پزشکیان سەرۆک کۆماری ئێران بکەوێتە دیالۆگ و دانوستان.
وتیشی: ئێمە شاهیدی ئەوە دەبین کە ئێران لە دروستکردنی چەکی ئەتۆمی نزیکە.
ترامپ وێڕای بانگەشەی ئامادەیی بۆ وتووێژ لەگەڵ ئێران وتی: یاداشتێکم واژۆ کرد بۆ زیادکردنی گوشارەکان لەسەر ئێران. تێبینییەک کە واژۆکردن "بڕیارێکی قورس" بوو بۆ من و "دوودڵی"م هەبوو.
ترامپ لە درێژەی قسەکانیدا جەختی لە پێشخستنی "سیاسەتی زۆرترین فشار" لە دژی ئێران کردەوە و دەشڵێت: "ئەمریکا مافی خۆیەتی ڕێگری لە فرۆشتنی نەوتی ئێران بە وڵاتانی دیکە بکات."
Your Comment