بە ڕاپۆرتی ئاژانسی هەواڵی مێهر، سەید عەباس عێراقچی، وەزیری دەرەوەی کۆماری ئیسلامیی ئێران، لە ٥٧ەمین کۆبوونەوەی ئەنجومەنی مافی مرۆڤی ڕێکخراوی نەتەوە یەکگرتووەکان
لە سەر بابەتی "دۆخی مافی مرۆڤ لە فەلەستین و دیکەی ناوچە داگیرکراوە عەرەبییەکان" وتارێکی پێشکەش کرد.
عێراقچی وتی: تاوانەکانی ڕژێمی زایۆنی دەرکەوتێکی ترسناکی هەڵمەتێکی ڕێکخراوەیی سیستماتیکی پێشێلکردنی مافەکانی مرۆڤ و یاسا نێودەوڵەتییەکانە. ڕاشیگەیاند: تاوانی جەنگ، تاوانی دژ بە مرۆڤایەتی، پاکتاوی نەتەوەیی و جینۆساید دژی گەلی فەلەستین لەو کارەساتانەن.
وەزیری دەرەوەی ئێران وتی: پارێزبەندی بێسنووری ڕژێمی ئیسرائیل دەبێتە هۆی کارەساتی مرۆیی بەرفراوانتر لە ناوچە داگیرکراوەکان.
ئەوەشی وت کە هەر چرکە بێدەنگی و گوێنەدان و خامساردی دەبێتە هۆی بەردەوامی کوشتنی خەڵکی مەدەنی بێ تاوانی فەلەستینی و لوبنان.
جەختیشی کرد: جیهان ناتوانێت لەبەردەم ئەم تاوانانەدا بێدەنگ بێت. کردەوەی خێرا و یەکلاکەرەوە نەک هەر چاوەڕوانکراوە، بەڵکوو ئەرک و پابەندبوونێکی ئەخلاقییە.
Your Comment