بە ڕاپۆرتی ئاژانسی هەواڵی مێهر، محەمەد باقر قاڵیباف سەرۆکی مەجلیسی شۆرای ئیسلامی لە ڕێوڕەسمی سوێندخواردنی سەرۆککۆماری ئێران کە بە بەشداری میوانان و نوێنەرانی ناوخۆیی و دەرەکی لە مەجلیس بەڕێوە چوو، وتی: ڕووداوی تاڵ و لەناکاوی شەهادەتی سەرۆک کۆماری ئێران لە چاوی شرۆڤەکارانی بواری جیهانی تاقی کردنەوەی دووبارە بۆ سیستەمی پیرۆزی کۆماری ئیسلامی کە بینیمان بە بەڕێوەبەرایەتی زیرەکانەی ڕێبەری ئێران جارێکی دیکە نمانەی سەقامگیری و هێزی سیستەمی سیاسی ئێرانی بوو.
ناوبراو زیادی کرد: لە دۆخی شڵەژاوی نێودەوڵەتی و سەرەڕای بوونی دوژمنانی سوێندخواردووی ناوخۆیی و دەرەکی چاوەدێرانی جیهانی بینیان کە کۆماری ئیسلامی تووشی ئاڵۆزی سیاسی و ئەمنیەتی نەبوو و لە ئیدارەی کاروباری وڵات هیچ کێشەیەک نەهاتە ئاراوە، هەروەها هەمووان بینیان کە لە ماوەیەکی کورتدا بە پێی دەستوور لە هەلبژاردنێکی تەندروستدا سەرۆک کۆماری هەڵبژێردرا.
سەرۆکی مەجلیس درێژەی دا: هەمووی ئەمانە نیشاندەری سەقامگیری کۆماری ئیسلامییە کە لەسەر بنەمای خەڵک سالاری دینی دانراوە.
قاڵیباف وتی: ئەمڕۆ هەموو جیهان یەکگرتوویی لە ئێران دەبینن و ئێمەش لەسەر بەڵێنی خۆمان دەمێنین کە بە خەڵکمان داوە و بە هاودڵی هەموو ئێرانییەکان لە هەموو لایەن و هۆز و گرووپی و ئایینێکەوە ئێران دوبووژێنینەوە.
ناوبراو درێژەی دا: ئەمڕۆ ڕۆژێکی مێژووییە و نەک هەر دکتۆر پزشکیان بەڵکوو ئێمە هەموومان بەڵێن دەدەین کە لە ڕێگای پێشکەوتن و گەشەی ئێران و خۆشبژیوی خەڵک و بەدی هێنانی ئارمانەکانی شۆڕش یاریدەدەری ئەو بین.
قاڵیباف درێژەی دا: پەیڕەوی قسەکانی ڕێبەر، سەرکەوتنی دەوڵەت ینوێ، بە سەرکەوتنی خۆمان دەزانین و بەم پێیە قسەکانی بەردەوامی سەرۆک کۆمار لەسەر زەروورەتی یەکگرتوویی ناوخۆی ، لەبەرچاوگرتنی سیاسەتەکانی ڕێبەر و جێبەجێ کردنی بەرنامەی حەوتەمی پێشکەوتن باشترین بنەمای هاوبەشە بۆ هاوکاری.
ناوبراو وتی: پەرەسەندنی ئاشتی و سەقامگیری لە ناوچەکە نیگەرانی سەرەکی ئێمە بووە و هەیە و هەر ئەو جۆرە کە لە ساڵانی ڕابردوو بە دیپلۆماسی چالاک و تۆکمە کردنەویە بەرەی بەرخۆدان بۆ ئەو مەبەستە هەوڵمان داوە، درێژەی پێدەدەین . ئەمڕۆ پرسی غەززە نەک پرسی یەکەمی جیهان بەڵکوو پرسی یەکەمی مرۆڤایەتیە و هەمووان دەبێ نیشانی بدەن کە لە کام لایەنی مێژوو وەستاون.
Your Comment