بە ڕاپۆرتی ئاژانسی هەواڵی مێهر، ڕۆژنامەی گاردیەن بە ئاماژە بە ویستی بریتانیا و دیکەی وڵاتانی ئەورووپی بۆ هەڵنەوەشاندنەوەی گەمارۆی مووشەکی ئێران بە پێی ڕێککەوتنی ناڤۆکی نووسی: بڕیاری وڵاتانی ئەورووپی بۆ پێشێل کرانی ئەو ڕێککەوتنە مەترسیدارە، چونکوو نادیارە تاران لە کاتێکدا کە نزیک بووەتەوە لە دروست کردنی چەکی ئەتۆمی، چ کاردانەوەیەکی دەبێت.
ڕۆژی هەینی ڕۆیتێرز لە زمانی سەرچاوە دیپلۆماتیکەکانەوە ڕاپۆرتی دابوو یەکێتی ئەورووپا بەرپرسانی ئێرانی ئاگادار کردووەتەوە کە گەمارۆی هاوپەیوەند بە بەرنامەی مووشەکی بالستیکی ئێران درێژە دەدات.
بە گوێرەی ڕاپۆرتی گاردیەن ئەو پاساوەی کە یەکێتی ئەورووپا و بریتانیا ئاماژەی پێ دەدەن، پێشێل کرانی ڕێكکەوتنی ناڤۆکی لەلایەن ئێران، فرۆشی درۆن بە ڕووسیا بۆ بەکارهێنان لە شەڕی ئۆکراینا و گواستنەوەی لە داهاتوودا بۆ ڕووسیا بوو.
Your Comment