بە پێی راپۆرتی ئاژانسی هەواڵی مێهر، جەبار عەودە سەرکردە لە چوارچێوەی هەماهەنگی رایگەیاند: تاوانی تیرۆرکردنی ئەبو موهەندی موهەندیس جێگری پێشوی سەرۆکی دەستەی حەشدی شەعبی و حاجی قاسم سولەیمانی فەرماندەی پێشوی قودسی سوپای پاسداران "سەرکردەکانی نەسر"، لە فڕۆکەخانەی نێودەوڵەتی بەغدا، کەیسێکی ڕای گشتی نێودەوڵەتییە کە سێ لایەن ڕاستەوخۆ تێوەگلاون، ئەوانیش ویلایەتە یەکگرتوەکانی ئەمریکا و ئیسرائیل و هاوکارەکانیان لە ناوەوە بوون.
وتیشی: "هەموو هێزە نیشتیمانییەکانی عێراق ناتوانن لەژێر هیچ پاساوێکدا دواخستنی دۆسیەکە قبووڵ بکەن، هەروەها دەبێت خوێنی پاک بەپێی رێکاری یاسایی سزا بدرێت لەگەڵ دادگاییکردنی دادپەروەرانە بۆ ئەوانەی دەستیان لەم تاوانە قێزەونەدا هەیە".
ئەوەشیخستەڕو، "لەبەغدا بەدواداچون بۆ سەرجەم رێکارە دادوەرییەکان دەکرێت، ئەنجامەکانیش بەمزوانە رادەگەیەندرێت، دادپەروەریش دەگاتە ئەو کەسانەی کە لە پشت تیرۆرکردنی سەرکردەکانی نەسڕەوە وەستابوون".
دەشڵێت: "سەرنجدان بەوەی کە هەوڵەکانی ئەمریکا و بریکارەکانی بۆ بڵاوکردنەوەی درۆ هیچ کاریگەرییەکیان نابێت، چونکە هەمووان قەبارەی قوربانیدانی سەرکردەکانی سەرکەوتن و هەوڵەکانیان بۆ ڕزگارکردنی شارەکانی عێراق لە کەوتنە چنگی داعشی تیرۆریست دەزانن."
Your Comment