بە پێی راپۆرتی ئاژانسی هەواڵی مێهر، چەند کەس لە هێزەکانی پاسەوانی ناوخۆی شڕناخ کە بۆ بەشداری لە ئۆپەراسیۆنی سەربازی لە کوردستانی عێراق نێردرابوون، لە زۆربوونەوەی ڕێژەی کوشتنی هێزە سەربازییەکانی تورکیا و هەروەها شەڕی نێوان هێزەکانی ئەو وڵاتە و ئەرتەش و هێزەکانی پاسەوانی ناوخۆ هەواڵیان داوە.
هێزەکانی پاسەوانی ناوخۆ کە بە زۆر و گوشار بۆ ئەو ئۆپەراسیۆنی نێردراون، لە وتووێژ لە گەڵ هەواڵدەریی مێزۆپۆتامیا ڕوونیان کردۆتەوە کە ژمارەی کوشتنی هێزەکانی ئەرتەشی تورکیا لەم شەڕانەدا زۆر بووە و ژمارەیەکی زۆریش ون بوون هەر بەم بۆنەوە هێزەکانی پاسەوانی ناوخۆ بە زۆر بۆ شەڕ دەنێرن.
ئەوان رایانگەیاندووە ئەرتەشی تورکیا دەیەوێ لەم هێزانە بۆ بەرگری لە خۆی کەڵک وەربگرێت و گەر کەسێک لەم هێزانە نەیەوێ بچێتە نێو ئەم شەڕەوە، بە توندی لە گەڵی رووبەڕوو دەبنەوە.
لە حاڵێکدا کە میدیاکان لە کوردستانی عێراق و تورکیا لە زۆر بوونی ژمارەی کوژراوانی هێزە سەربازییەکانی تورکیا هەواڵ ئەدەن، وەزارەتی بەرگری تورکیا ئەمڕۆ تەنیا کوژرانی یەک کەسی راگەیاندووە.
Your Comment