چوارەمین فێستیڤاڵی "هەڵپەڕکێ بانە" بە ناساندنی براوەکان کۆتایی هات

چوارەمین فێستیڤاڵی هەڵپەڕکێ بانە کە لە حەوتەمی خاکەلێوەوە بە بەشداری 12 گرووپ لە پێنج پارێزگاوە دەستی پێکرد بە ناساندنی براوەکان کۆتایی هات.

بە ڕاپۆرتی ئاژانسی هەواڵی مێهر، شەوی سێشەممە ڕێورەسمی کۆتایی چوارەمین فێستیڤاڵی سەرتاسەری هەڵپەڕکێ بانە لە هۆڵی دەریا بە بەڕێوەچوونی بەرنامەی 12 گرووپی هەڵبژێردراو و ناساندنی باشترینەکانی هەر بەشێک لە باری هاوئاهەنگی گرووپ، بەڕێوەچوونی دروست بەزمەکان، هەڵبژاردنی مۆسیقا، سەرچۆپی، گاوانی، جلوبەرگ، خوێندنەوەی قتارەکان و منداڵان کۆتایی هات.

دەستەی ناوبژیوانانی چوارەمین فێستیڤاڵی هەڵپەڕکێ بانە خەڵاتی گاوانیان بەخشیە فەریاد پووری لە گرووپی ڕۆژمەرگەوانی ورمێ.

لە بەشی جلوبەرگ، گرووپی هەڵپەڕکێ دیلانی ورمێ و سێجاری دانیکەش لە مەریوان بە دەنگی ناوبژیوانان هەڵبژێردراران و لە بەشی منداڵانیش ئارتین حسێنی لە گرووپی دیلانی ورمێ پلەی یەکەمی وەدەست هێنا.

لە بەشی چۆپی کێش ئەرسەلان نەورۆزی لە گرووپی گۆڤەندی ورمێ پلەی یەکەمی دەست خست.

بە دەنگی ناوبژیوانان ل بەشی مۆسیقا، گرووپی چلاکی بانە، سێجاری مەریوان و بەڕۆژەی بانە بە ڕیزەوە لە پلەی یەکەم تا سێهەم وەستان.

News Code 41433

نیشانەکان

بۆچوونی ئێوە

You are replying to: .
  • captcha