مەسعوود بارزانی سێ پێشنیاری بۆ پێکهێنانی حکومەتی نوێ پێشکەش کرد

مەسعوود بارزانی ڕێبەری پارتی ڕایگەیاند دوای پشت ڕاست کردنەوەی ئەنجامی هەڵبژاردنەکانی پەرلەمان لەلایەن دادگای باڵای فیدراڵەوە، پێویستە بۆ پێکهێنانی حکومەتی نوێ و پۆستەکانی دیکە هەوڵ بدرێت.

بە ڕاپۆرتی ئاژانسی هەواڵی مێهر، مەسعوود بارزانی لە پەیامێکدا بە بۆنەی سەری ساڵی نوێی زایینی ڕایگەیاند: پێویستە ماف و ورەی هاووڵاتیان و هەموو گرووپەکانی دیکەی عێراق لە چوارچێوەی سێ بنەمای "بەشداری، ڕێککەوتن و یەکسانی لە دەسەڵاتداری" لە سەرووی یەکمایەتییەکانی حکومەتی داهاتووی بەغدا بێت.

بارزانی لە ئەو پەیامەدا، لەسەر زەروورەتی ڕێگری لە پەراوێز خستنی گرووپە شوناسییەکانی عێراق جەختی کرد و ڕایگەیاند: عێراق و ناوچەکە زیاتر لە ئەمە، دەفرایەتی دژایەتی، توندڕەوی و ناسەقامگیریی نییە و کۆمەڵگای جیهانی ئەبێ بۆ پاراستنی ئاشتی، دادپەروەری و ئاسایش لە ناوچەکە یارمەتیدەر بێت تا گەلانی ناوچەکە و خەڵکی بێتاوان تووشی چەرمەسەری و وێرانی نەبن.

ڕێبەری پارتی لە پەیامی پیرۆزبایی سەری ساڵی نوێی زایینی هەروەها هیوای خواست ناوچەکە ئاشتی و پێکەوەژیان بە خۆیەوە ببینێت و خەڵکی هەرێم و ناوچەکە بە دوور لە نەخۆشی، کێشە و بەڵا بن.

News Code 40556

نیشانەکان

بۆچوونی ئێوە

You are replying to: .
  • 2 + 4 =