AP ١٤٠٤ خاکەلێوە ٢٢ ١٥:١٣

گفتوگۆی سەرۆک کۆماری ئێران و سەرۆک کۆماری عێراق

گفتوگۆی سەرۆک کۆماری ئێران و سەرۆک کۆماری عێراق

لە پەیوەندییەکی تەلەفۆنیدا لەگەڵ هاوتا عێراقییەکەی، سەرۆک کۆماری ئێران وتی: پەیوەندی لەگەڵ عێراق یەکێکە لە بوارە گرنگەکانی پەیوەندییەکانی دەرەوەی ئێران و ئێمە خەڵکی وڵاتی دۆست و دراوسێی خۆمان، عێراق، بە برای خۆمان دەزانین.

بە ڕاپۆرتی ئاژانسی هەواڵی مێهر، مەسعوود پزشکیان سەرۆک کۆماری ئێران دوانیوەڕۆی ئەمڕۆ هەینی لە پەیوەندییەکی تەلەفۆنیدا لەگەڵ عەبدولەتیف ڕەشید، سەرۆک کۆماری عێراق قسەی کرد.

پزشکیان ڕایگەیاند: پەیوەندی لەگەڵ عێراق یەکێکە لە گرنگترین بوارەکانی پەیوەندییەکانی دەرەوە بۆ کۆماری ئیسلامی ئێران، و ئێمە خەڵکی عێراقژبە خەڵکی وڵاتی دۆست و دراوسێی و برایان دەزانین.

وتیشی: هیوادارم لە زووترین کاتدا دەرفەتی دیداری تاکەکەسیمان جارێکی تر ڕەخسێنرێت بۆ ئەوەی بتوانین تاوتوێی چارەسەرەکان بکەین بۆ بەهێزکردنی هاوسۆزی و یەکگرتوویی، هەروەها زیاتر فراوانکردن و قووڵکردنەوەی پەیوەندی و هاوکاری نێوانمان لە پێناو دەستەبەرکردن و بەرەوپێشبردنی خۆشگوزەرانی، ئاشتی، و پەرەپێدانی زیاتری ئێران و عێراق و هەروەها گەلانی ناوچەکە.

لەم پەیوەندییە تەلەفۆنییەدا، سەرۆک کۆماری عێراق، وێڕای پیرۆزبایی جەژن و سەرەتای ساڵی نوێ لە دەوڵەت و نەتەوەی ئێران و گەیاندنی سڵاو بە ڕێبەری باڵای شۆڕشی ئیسلامی، ڕایگەیاند، دەوڵەت و نەتەوەی عێراق هەمیشە لە تەنیشت کۆماری ئیسلامی ئێران بوون و دەبن.

عەبدولەتیف ڕەشید جەختی لەوە کردەوە: گەل و حکومەتی عێراق هەمیشە باشترینیان بۆ دراوسێکانیان ویستووە. هیواشی خواست لە زووترین دەرفەتدا لەگەڵ پزشکیان دیدار بکەن.

News ID 54580

Tags

Your Comment

You are replying to: .
  • captcha