بەشداری ئەمریکا لە ئەفغانستان جگە لە ئاوارەیی ئاکامێکی نەبوو

سەرۆک کۆمار وتی: ٢٠ ساڵ بەشداری ئەمریکا لە ئەفغانستان جگە لە ئاوارەیی و کوشتاری زیاتر لە ٣٥ هەزار منداڵ و هەزاران ژن و پیاوی ئەفغانستانی ئاکامێکی نەبوو.

بە پێی هەواڵی مێهر، ئایەتوڵا سەید ئیبراهیم رەییسی لە دیدار لە گەڵ عمران خان، سەرۆک وەزیرانی پاکستان پێوەندی مێژوویی و فەرهەنگی ئەم دوو وڵاتەی لەسەرووی پێوەندییەکی درواسێیەتی زانی و وتی: نابێ ئیزن بدەین دەستێوەردانی بیانییەکان ئەم پێوەندییە بخاتە ژێر کاریگەری خۆیەوە.

ئەو وتیشی: کۆماری ئیسلای ئێران خوازیاری گەشەی پێوەندی ناوچەیی لە گەڵ وڵاتانی دراوسێیە کە پاکستان لە نێوانیاندا پێگەیەکی تایبەتی هەیە.

رەییسی داکۆکی کرد: دەبێ هەوڵ بدرێت لە ئەفغانستان حکوومەتێک پێک بێت کە هەموو گرووپ و لایەەکان لە خۆ بگرێت و ئاکامی خواستی خەڵکی ئەو وڵاتە بێت. چارەسەری کێشەکانی ئەفغانستان، پێک هێنانی دەوڵەتی گشتگیر و ڕێگری لە دەستێوەردانی بیانییەکان لە کاروباری ناوخۆیی ئەو وڵاتەیە.

سەرۆک وەزیرانی پاکستانیش لەم دیدارەدا وتی: ئێمە بەدوای گەشەی هەمە لایەنەی پێوەندی خۆمان لە گەڵ ئێرانین و پێمان وایە گەشەی هاوکارییەکان کاریگەری ئەرێنی ناوچەیی و جیهانی بەدواوە دەبێت.

ئەو وتیشی: گەر دەوڵەتێکی گشتگیر لە ئەفغانستان پێک نەیێت، کێشەکان زیاتر دەبنەوە و خەسارەکانیشی ئێران و پاکستان دەگرێتەوە.

News Code 39165

نیشانەکان

بۆچوونی ئێوە

You are replying to: .
  • 4 + 14 =