بە ڕاپۆرتی ئاژانسی هەواڵی مێهر، پۆلیسی تورکی ابە هێرش بۆ سەر ماڵی زۆربەی چالاکی کورد و ئاشووری لە ماردین و باتمان، ماڵی زۆربەیانی پشکنی و ژمارەیەکی زۆری چالاکی کوردی دەستگیر کرد.
بە گوێرەی ئەم ڕاپۆرتە، لە ماردین ژمارەیەکی زۆر لە ئەندامانی هەدەپە لە ناوچەی قزل تەپە، مدیات، دێرک، مازی داغی و عومرەلی دەستگیر کران. هەروەها سەلام ئوزجان سەرۆکی هەدەپە لقی دێرک، دێرسیم یاووز، تەوفیق ئاکیول، شنۆل شان، ئەندامانی باڵای هەدەپە و تێئۆدورا ئوزدەمیر سەرۆکی ئەنجومەنی ژنانی ئاشووری و یوهانا ئاغتاش سەرۆکی ئەنجومەنی یەکێتی ئاشووریان، دەستگیر و بۆ لقی دژە تیرۆری ئیدارەی ئاسایشی ماردین گواسترانەوە.
شیاوی باسە کە زۆربەی خەڵکی ماردین خەریکی ئامادەبوون بۆ بەشداری لە کۆبوونەوەی گەورەی کوردان، ئاشووریان و لایەنگرانی هەدەپە لە قزل تەپەن.
Your Comment