دەنگدانەوەی ڕێوڕەسمی سوێندخواردنی سەرۆک کۆماری ئێران لە میدیاکانی جیهان

میدیا جۆربەجۆرەکانی جیهان ڕووماڵی ڕێوڕەسمی سوێندخواردنی سەرۆک کۆماری ئێرانیان کرد کە ئەمڕۆ سێشەمە بەڕێوە چوو.

بە پێی هەواڵی مێهر، کەناڵی ئەلمێناری لوبنان هاوکات لە گەڵ بڵاو کردنەوەی ڕێوڕەسمی سوێندخواردنی سەرۆک کۆماری ئێران، ڕایگەیاند: ڕێبەری کۆماری ئیسلامی لەم ڕێوڕەسمەدا وتەدانێکیان پێشکەش کرد و داکۆکییان کردە سەر ڕاسپاردە گرنگ و نوێیەکانی دەوڵەتی داهاتووی ئێران.

کەناڵی ئەلمەیادینی لوبنانیش وێڕای بڵاوکردنەوەی ئەم ڕێوڕەسمە لە تەلەفزیۆنی فەرمییەوە، ڕایگەیاند: پێک هێنانی دەوڵەتی نوێ نابێ دوا بکەوێ. پیلانی گەمارۆی هەڵبژاردن لە کۆڕی سیاسەتدانانی دوژمنانی کۆماری ئیسلامی داڕێژرا بوو.

هەروەها کەناڵی ڕووسیا ئەلیەومیش بەشێک لە وتەکانی ڕێبەری بڵاو کردەوە و لە زاری رێبەرەوە ڕایگەیاند: گواستنەوەی دەسەڵات هیوا دروست دەکات. ئەو دەوڵەتاەی تا ئێستا هاتوون و دەسەڵاتیان بە دەستەوە گرتووە، خاوەندی بۆچوونی سیاسی جۆراوجۆرن کە نیشاندەری جیاوازی بیروڕا و ئازادی و سەلامەتی هەڵبژاردنە.

ڕۆژنامەی زایۆنیستی جروزالیم پۆست لە تویتەرێکدا کە ئاماژەی بۆ پەسند کردنی سەید ئیبراهیم ڕەییسی لە لایەن ڕێبەری کۆماری ئیسلامییەوە کردبوو، نووسی: سەرۆک کۆماری نوێی ئێران داکۆکی کردە سەر هەڵوەشانەوەی گەمارۆ زاڵمانەکان دژی ئێران.

هەواڵدەریی بی بی سی بە تیتری "ئایەتۆڵا خامنەیی سەرۆک کۆماریی ئیبراهیم رەییسی جێبەجێ کرد" و "ئیبراهیم ڕەییسی: بڕوای خەڵک تووشی کێشە بووە" ئەم ڕێوڕەسمەیان ڕووماڵ کرد.

ماڵپەڕی سی جی ئێن تەلەڤزیۆنی جیهانی چین لە هەواڵێکی کورتدا ئەم ڕێوڕەسمەی ڕاگەیاند و ئاماژەی بۆ بڕیاری ڕەییسی بۆ هەڵوەشانەوەی گەمارۆکان کرد.

News Code 38506

نیشانەکان

بۆچوونی ئێوە

You are replying to: .
  • 3 + 10 =