هاوکاریی جیدی هەولێر و بەغدا بۆ بەرەنگاریی پارتی کرێکارانی کوردستان

ئەندامێکی باڵای پارتی دیموکراتی کوردستان داکۆکی کرد: مەترسی بەشداری تورکیا و کردەوەکانی پەکەکە کەمتر لە گرووپی داعێش نییە بۆیە پێویستە دەوڵەتی ناوەندی و هەرێمی کوردستانی عێراق بۆ ڕاگرتنی چالاکی ئەم گرووپە هاودەنگ بن.

بە پێێ هەواڵی مێهر, عەلی فەیلی لەم بارەوە وتی: کردەوەی دوێنێ هێزەکانی پەکەکە دژی هێزەکانی پێوەندیدار بە وەزارەتی پێشمەرگەی هەرێمی کوردستانی عێراق، یەکەمین کردەوە نەبووە و لە مێژە هێزەکانی پێشمەرگە لە ناوچە جۆربەجۆرەکان لە لایەن هێزەکانی پەکەکە هێرشیان دەکرێتە سەر.

ئەو وتیشی: کردەوەکانی ئەم گرووپە بیانوویەک بۆ پێشێل کردنی حاکمیەتی عێراقە و دەبێتە هۆی ئەوەی شارۆمەندانی هەرێمی کوردستان تووشی خەسار بن.

ئەندامی باڵای حیزبی دیموکراتی کوردستان ڕاشیگەیاند: ڕووداوی دوێنێ هۆشدارێک بە دەوڵەتی ناوەندی و هەرێمی کوردستانە بۆ ئەوەی بۆ ڕاگرتنی چالاکی ئەم گرووپە پێکەوە هاوکار و هاودەنگ بن و ڕێز بۆ حاکمیەتی عێراق دابنێن و نەبنە سەرچاوەی نیگەرانی بۆ وڵاتانی دراوسێ.

عەلی فەیلی ڕوونی کردەوە: بوونی تورکیا و کردەوەکانی پەکەکە، عێراق تووشی زیانی قورس دەکات کە کەمتر لە زیانەکانی گرووپی داعش نییە.

News Code 37652

نیشانەکان

بۆچوونی ئێوە

You are replying to: .
  • 7 + 3 =