کۆمەڵگای نێونەتەوەیی دەربەستی دۆخی فەلستین نییە

سەرۆک کۆمار وێڕای بەرز ڕاگرتنی ڕۆژی قودس، وتی: جێ داخە کە کۆمەڵگای نێونەتەوەیی دەربەستی دۆخی فەلستین نییە و دوژمنان بەردەوام درێژە بە زوڵمی خۆیان ئەدەن.

بە پێی هەواڵی مێهر، حەسەن ڕۆحانی وتی: بەیانی ڕۆژی قودسە و خەڵکی فەلستین زیاتر لە ٧٠ ساڵە کە لە ماڵ و خانوی خۆیان ئاوارە بوون و لە بیاوان و وڵاتە جۆراوجۆرەکان و لە دۆخێکی زۆر ئەستەم دەژین.

ئەو وتیشی: جێ داخە کە کۆمەڵگای نێونەتەوەیی دەربەستی دۆخی فەلستین نییە و دوژمنان بەردەوام درێژە بە زوڵمی خۆیان ئەدەن. ئیمامی گەورەی ئێمە دواهەمین هەینی مانگی ڕەمەزانی وەکوو رۆژی قودس دیاری کردووە بۆ ئەوەی مافی خەڵکی فەلستین وەربگیردرێتەوە.

ڕۆحانی وتیشی: ئینشەڵا خەڵکی فەلستین لەم جیهدەدا سەرکەوتوو دەبن و موسوڵمانانیش بە ئاواتی خۆیان دەگەن. ئێمە ڕێز لەم ڕۆژە دەگرین بەڵام بە هۆی کۆرۆناوە ڕێپێوانمان نییە بەڵام بۆ ئازادی قودس دۆعا دەکەین و بەیانی هەموومان لە وتەکانی ڕێبەری مەزن کەلک وەردەگرین.

News Code 37187

نیشانەکان

بۆچوونی ئێوە

You are replying to: .
  • 2 + 3 =