جێژنی هەنار بۆ تۆماری جیهانی ڕادەستی یۆنێسکۆ کراوە

ئومێد قادری بە ئاماژە بە ناڕەزایەتی بە تۆماری جیهانی جێژنی هەنار لەلایەن وڵاتی ئازەربایجانەوە، وتی: کارگرووپێک بۆ کۆ کردنەوەی بەڵگەی ڕێوڕەسمی شوکرانەبژێری هەنار لە هەورامان پێکهاتووە کە ڕادەستی یۆنێسکۆ دەکرێت.

بە ڕاپۆرتی ئاژانسی هەواڵی مێهر، بەرپرسی گشتی میراتی فەرهەنگی و گەشتیاری کرماشان بە ڕاگەیاندنی ئەو هەواڵە لە درێژەدا وتی: جێژنی شوکرانەبژێری لە بەفرانابری ساڵی 97 بە ناوی کرماشان تۆماری نەتەوەیی کراوە کە ئەمە هەنگاوێکی بنەڕەتییە بۆ تۆماری ئەو ڕێوڕەسمە جوانە.

ناوبراو ڕایگەیاند دوای زانیاری لەسەر هەوڵی وڵاتی ئازەربایجان بۆ تۆماری جیهانی جێژنی هەنار، لە نامەیەکدا بۆ وەزارەتی میراتی فەرهەنگی، داوامان لە وەزیر کرد کە لە ڕێگای نوێنەرەکانی ئەووەزارەتخانەوە لە یۆنێسکۆ، ناڕەزایەتی جیدی ئێران بە ئەو ڕێکخراوە جیهانییە دەرببڕن.

ئومێد قادری لە بەشێکی دیکە لە قسەکانیدا وتی: لە دۆسیەی گرینگی تۆماری جیهانی سروشت و مێژووی هەورامان، ڕێوڕەسمگەلێ وەکوو جێژنی شوکرانەبژێری هەنار و ڕێوڕەسمی چێ کردنی دۆشاوی هەنار وەکووی میراتی ناوچەکە ڕادەستی یۆنێسکۆ کراوە.

ڕاشیگەیاند: ڕوونە کە بە تۆماری جیهانی هەورامان، ئەو ڕێوڕەسمانەش تۆماری جیهانی دەبن.

News Code 35392

نیشانەکان

بۆچوونی ئێوە

You are replying to: .
  • 3 + 1 =