گیرانی پاپۆڕی پڕ لە چەکی ئێران لە ئاوەکانی یەمەن درۆیە

وتەبێژی وەزارەتی دەرەوەی ئێران کاردانەوەی بە پاگەندەی بەرپرسانی ئەمریکا بۆ ڕاگیرانی پاپۆڕی ئێرانی کە گوایە چەک و تەقەمەنی دەگواستەوە, نیشان دا.

بە ڕاپۆرتی ئاژانسی هەواڵی مێهر، سەید عەباس مووسەوی لە کاردانەوە بە پاگەندەی بەرپرسانی ئەمریکا لەسەر ڕاگیرانی پاپۆڕی ئێرانی کە چەک و تەقەمەنی دەگواستەوە بۆ یەمەن، وتی: درۆ و تۆمەت لێدان و پەرەپێدان بە ڕق و قین لە ئامیرە سەرەکییەکانی سیاسەتی دەرەوەی ئەمریکا بەتایبەتی لە دەوڵەتی ئێستایە.

ناوبراو بە بێ بنەما وەسف کردنی ئەو تۆمەتگەلە، وتی: ئەمریکییەکان کە هەست دەکەن بۆ درێژ کردنەوەی گەمارۆی چەک لە سەر ئێران هیچ دەستکەوتێکیان نەبووە، هەوڵ دەدەن بە درۆ و تۆمەت لێدان، بیانوو بۆ درێژە پێدان بە سیاسەتی زیاترین گوشار و بەرەوپێش بردنی ئامانجە پیسەکانی خۆیان دروست بکەن.

وتەبێژی وەزارەتی دەرەوە بە ئاماژە بە ئەوەی کە ئەمریکا و عەرەبستانی سعوودی بە گەمارۆدانی پێنج ساڵەی خەڵکی یەمەن، بوونەتە هۆی مەرگی هەزاران کەس ، وتی: ئەو دوو ڕژێمە لەجیاتی ئەوەی کە وەڵامدەری جەنایەتەکانی خۆیان لە یەمەن بن، بە هێنانە ئاراوەی تۆمەتی ناڕەوا و بێ بنەما بە وڵاتانی تر لە ژێر باری بەرپرسیارێتی لە بەرانبەر ئەو کردەوە دژە مرۆییانەی کە ئەنجامی دەدەن، دەردەچن.

News Code 33181

نیشانەکان

بۆچوونی ئێوە

You are replying to: .
  • 4 + 10 =