بە ڕاپۆرتی ئاژانسی هەواڵی مێهر، ئیمام تاشچیعر، نوێنەری ئامەد لە پەرلەمانی تورکیا لە هەدەپە لە لێدوانێکدا بە ئاماژە بە هێرشەکانی سوپای تورکیا بۆ سەر بنکەکانی پەکەکە لە هەرێمی کوردستان وتی: تا کاتێک کە کوردەکان پێکەوە یەک نەگرن ڕزگاری زۆر ئەستەم دەبێت. ئێستا گەیشتووینەتە قۆناغیک کە کوردەکان لە ناوچەی ڕۆژهەڵاتی ناڤین بوونەتە ئەکتەرێکی گرینگ و هەر ئەوەش دەبێتە هۆی لەبەرچاوگرتنی کورد لە هاوکێشەکان. ئەمڕۆکە لە هەرێمی کوردستان، کورد بوونی خۆی سەلماندووە و ئێمە ئەبێ ئەو دەستکەوتە وەکوو چاوانمان بپاریزین.
ناوبراو زیادی کرد: بەڵام ئەوا ئەبێ ئەوانیش ئەوە بزانن کەسانێک کە ئەمرۆکە بە بیانووی پەکەکە هێرش دەکەنە سەر ئەوێ، سبەی پارتی و یەکێتیش دەکەنە ئامانج. چونکوو لەبەر چاوی کەسانێک کە دوژمنی کوردن، هەموو کوردەکان یەکسانن، بۆ ئەوان کوردەکان هیچ جیاوازیەکیان نییە.
Your Comment