بە ڕاپۆرتی ئاژانسی هەواڵی مێهر، کامران حەسەن فەرمانداری ناوچەی ماوت سەر بە پارێزگای سلێمانی، ڕایگەیاند کە شەڕکەرەکانی سوپای تورکیا ئۆتۆمبیلێک کە هێزەکانی پەکەکەی دەگواستەوە کردە ئامانجی هێرشی مووشەکی و بەو هۆیەوە ٥ هێزی پەکەکە گیانی خۆیان لەدەست دا.
ناوبراو زیادی کرد کە لە ئاکامی بەرکەوتنی مووشەکی دووهەم، ناوەندی دەرمانی ئەو گوندەش کاول بووە و ژمارەیەک ماڵیش خەساریان پێ گەیشتووە.
هەروەها مێدیاکانی سەر بە پەکەکە ئەو هێڕشەیان پشت ڕاست کردووەتەوە بەڵام لە هەواڵەکانی ئەواندا هاتووە کە ئەو هێرشە لەلایەن فڕۆکەی بێ فڕۆکەوانەوە ئەنجام دراوە و هیچ ئاماژەیەک بە شوناسی ئەو کەسانەش کە گیانیان لەدەست داوە، نەکراوە.
Your Comment