کەمتەرخەمی جیهان هەمبەر بە دۆخی تەندروستی کوردی سووریا

بەرپرسێکی باڵای ئیدارەی خۆسەری کورد بە ئاماژە بە نائامادەیی کوردەکانی سووریا بۆ بەرەنگاربوونەوەی نەخۆشی کۆرۆنا، وتی: نە ڕێکخراوی نەتەوە یەکگرتووەکان و نە ڕێکخراوی تەندروستی جیهانی، بەهایەک بە ناوچەی کوردستانی سووریا نادەن.

بە ڕاپۆرتی ئاژانسی هەواڵی مێهر، بەسام شاکر نوێنەری ئەنجومەنی سووریای دیموکراتیک، لقی سیاسیی هەسەدە لە ئەمریکا، بە هەواڵدەریی سپۆتنیکی ڕاگەیاند: بەو هۆیەی تا ئێستا هیچ ناوەندێکی نێودەوڵەتی وەڵامی ئیجابی نەداوەتەوە بە داواکاریی کوردەکانی سووریا، ئیدارەی خۆسەری کوردی ئامادەی بەرەنگاربوونەوەی نەخۆشیی کۆرۆنا لە باکووری رۆژهەڵاتی سووریا نییە.

ڕاشیگەیاند: باکوور و رۆژهەڵاتی سووریا لە دۆخێکی زۆر مەترسیداردان و ئێمە پێویستمان بە یارمەتیگەلی نێودەوڵەتی و پاڵپشتیانە، بەڵام تا ئێستا هیچ پاڵپشتی و یارمەتییەکمان پێنەگەیشتووە.

ئەو بەرپرسە کوردەی سووریا بە ئاماژە بە پێویستیی زۆری ناوچەگەلی ژێر کۆنتڕۆڵی کوردەکان بە یارمەتیگەلی تەندروستی و پزیشکی، وتی: بە ئاوردانەوە لەوەی کە خەڵکێکی زۆر لە ئۆردووگاکان و شوێنی حەوانەوەی کاتی و پڕجەماوەریدا دەژین، پەرەسەندنی نەخۆشی لەو ناوچانە دەتوانێ زۆر پڕمەترسی بێت.

بەسام شاکر وتیشی: کوردەکان داوای یارمەتیان لە ڕێکخراوی نەتەوە یەکگرتووەکان و ڕێکخراوی تەندروستی جیهانی و ڕێکخراوە هاوپەیوەندەکانی دیکە کردووە، بەڵام تا ئێستا هیچ یارمەتییەکمان وەرنەگرتووە.

News Code 31778

نیشانەکان

بۆچوونی ئێوە

You are replying to: .
  • captcha