مووسەوی: وەڵامی کوشەندە بە هەر هەنگاوێکی گەمژانە دەدەینەوە

وتەبێژی وەزارەتی دەرەوە وتی: ئێران وەڵامێکی کوشەندە دەداتەوە بە هەر دەستدرێژی یان هەڵمەتێکی گەمژانەی ڕژیمی زایۆنی لە دژی بەرژەوەندییەکانی ئێران لە سووریا.

بە ڕاپۆرتی ئاژانسی هەواڵی مێهر، سەید عەباس مووسەوی وتەبێژی وەزارەتی دەرەوەی کۆماری ئیسلامی ئێران لە کاردانەوە بە پاگەندە و هەڕەشەکانی بەرپرسێکی ڕژیمی زایۆنی، ڕایگەیاند: کۆماری ئیسلامی ئێران وەڵامێکی کوشەندە و پەشیمانکەرەوە دەداتەوە بە هەر دەستدرێژی یان هەڵمەتێکی گەمژانەی ڕژیمی زایۆنی لە دژی بەرژەوەندییەکانی ئێران لە سووریا.

مووسەوی بە ئاماژە بە تیرۆریستی و داگیرکەربوونی ڕژیمی زایۆنی، ڕاشیگەیاند: ئەو ڕژیمە ٧٠ ساڵ لەوە پێش لە سەر بنەمای داگیرکردنی خاکی فەلەستین و وڵاتانی دراوسێی، کۆمەڵکوژی، تاڵان، تیرۆری و دەستدرێژی دامەزراوە

ناوبراو لە درێژەدا جەختی کرد: ئامادەبوونی کۆماری ئیسلامی ئێران لە سووریا بە ڕەزامەندی و بانگهێشتی دەوڵەتی ئەو وڵاتە و بە ئامانجی بەرەنگاربوونەوەی تیرۆریزمی پاڵپشتکراوی ئەمریکا و ئیسرائیل ئەنجام دراوە و وڵاتەکەمان لە پاراستنی خۆی لە سووریا و بەرگری لە ئاسایشی نیشتمانی و بەرژەوەندییە ناوچەییەکانی دەستەوەستان نابێ و وەڵامی کوشەندە دەداتەوە بە هەر دەستدرێژی و هەڵمەتێکی گەمژانە.

وتەبێژی وەزارەتی دەرەوە لە کۆتاییدا بیری هێنایەوە: کۆماری ئیسلامی ئێران هەڕەشە و لێدوانە شەرئەنگێزانەکانی ڕژیمی زایۆنی لە کۆمەڵگای نێودەوڵەتیشدا پێوشوێن‌ دەگرێت.

News Code 30994

نیشانەکان

بۆچوونی ئێوە

You are replying to: .
  • 4 + 3 =