٤ ئامانجی ئەمریکا لە پەلاماردانی حەشدی شەعبی

کارناسی لوبنانی پرسە سیاسی و سەربازییەکان پێیوایە دەستدرێژیی ئەمریکی بۆ سەر بنکە و بارەگای هێزەکانی بەرخۆدان لە ناوچەدا، بە مەبەستی پێکانی ٤ ئامانجی سەرەکیی واشنتۆن بووە.

ژینڕاڵ "ئەمین حەتیت" کارناس و شرۆڤەکاری لوبنانی پرسگەلی سیاسی و سەربازی لە وتووێژ لە گەڵ هەواڵنێری ئاژانسی مێهر بە ئاماژە بە دەستدرێژیی ئەمریکی بۆ سەر بنکە و بارەگای هێزەکانی بەرخۆدان لە ناوچەدا، وتی: ویلایەتە یەکگرتووەکان بەو هێرشە هەوڵی وەدی هێنانی ٤ ئامانجیان داوە کە بریتین لە:

١- ناردنی پەیامی ئەو پەیامەی کە پاکشەکشێ لە سووریا بە واتای کشانەوە لە ناوچە نییە و ئەمریکا درێژە بە مانەوەی سەربازیی لە ناوچە دەدات و ناوچە بۆ ڕکابەرانی چۆڵ ناکات.

٢- ئەمریکا دەیەوێ بە بەرخۆدان ڕاگەیێنێ کە ڕێڕەوگەی ئەبووکەماڵ بۆ ئەوان هێمن نییە و ئەو میحورە بەردەوام لە ژێر ئاگری ئەمریکا دەبێ و پێشگری دەکا لە هەر جۆرە جموجۆڵێکی سەربازیی بەرخۆدان.

٣- بە بەرخۆدان لە ئێرانەوە تا لوبنان ڕاگەیێنێ کە رێگە و کۆریدۆرە پەیوەندییەکانیان پێکەوە هێمن نییە.

٤- سەپاندنی گوشار بە سەر دەوڵەتانی عێراق و لوبنان کە لەم رۆژانەدا بەرەوڕووی خۆپیشاندانی ناڕەزایەتین و هەر دوو وڵات لە قۆناغی پێکهێنانی دەوڵەتی نوێن.

ناوبراو ڕاشیگەیاند: ئەمریکا بەو هێرشانەی ویستوویەتی بە بەرپرسانی عێراقی و لوبنانی ڕاگەیێنێ کە هەر دەوڵەتێکی نوێ بێتە سەرکار، دەبێ بەرژەوەندیی واشنتۆن دابیت بکرێ، چونکە ئەمریکا بەردەوام دەبێ لە ئامادەبوونی سەربازیی لە ناوچەدا.

News Code 30123

نیشانەکان

بۆچوونی ئێوە

You are replying to: .
  • captcha