ئێران و ئاژانسی وزەی ناڤۆکی یەک ملیۆن یۆرۆ پڕۆژەیان واژۆ کرد

باڵوێز و نوێنەری هەمیشەیی ئێران لە نەتەوە یەکگرتووەکان و ڕێکخراوە نێودەوڵەتییەکانی تر لە ڤیەن، لە پەسەند کرانی چەندین پڕۆژەی نوێی هاوکاری تەکنیکی لە نێوان ئێران و ئاژانس هەواڵی دا.

بە ڕاپۆرتی ئاژانسی هەواڵی مێهر، کازم غەریب ئابادی لەم بارەوە وتی: بە هەوڵە ئەنجام دراوەکان و دانوستانە تەکنیکییەکانی نێوان ڕێکخراوی وزەی ناڤۆکی ئێران و ئاژانس، جگە لە بەردەوام بوونی بەڕێوە چوونی دوو پڕۆژەی هاوکاری تەکنیکی لە بواری وزەخانەیی و دەرمانی شێرپەجە بۆ ساڵەکانی ٢٠٢٠ و ٢٠٢١، چوار پڕۆژەی نوێی هاوکاری تەکنیکیش بۆ ماوەی ٢٠٢٠ و ٢٠٢١ بۆ وڵات پەسەند کرا.

غەریب ئابادی زیادی کرد: ئەو پڕۆژانە کە بڕی دارایی بەڕێوە چوونیان زیاتر لە ١ ملیۆن یۆرۆ دەبێت، لە بوارە جیاوازەکان لەوانە بەرز کردنەوەی ئیمەنی و کەڵک وەرگرتن لە ڕاکتۆرە لێکۆڵینەوەییە ناڤۆکییەکان، بەرز کردنەوەی بەستێنی مرۆیی لە بواری سووتەمەنی ناڤۆکی، بەر کردنەوەی ئاستی بەرهەم هێنەران لە بواری خەلەی سەرەکی، و هەروەها بەرپرسایەتی پاشماوەکان دەبێت.

بە گشتی ئەو پرسانەی کە ئاژانسی وزەی ناڤۆکی و ئێران پێکەوە هاوکاریان دەبێت ٣٠ بوارن کە تەندروستی، خۆراک و خواردن و کشتوکاڵ و ئیمەنی و ئاسایش بە ڕیزەوە زیاترین یەکمایەتیان لە هاوکارییەکە دەبێت.

News Code 29505

نیشانەکان

بۆچوونی ئێوە

You are replying to: .
  • 9 + 0 =