ئێران دژی هەر جۆرە هێرشێکی سەربازی بۆ سەر  سووریایە

 وەزارەتی دەرەوەی ئێران لە بەیاننامەیەکدا بە ئاماژە بە گۆڕانکارییەکانی ئەم دواییە لە سووریا، ڕایگەیاندووە کە ئێران دژی هەر چەشنە ئۆپراسیۆنێکی سەربازی لە سووریایە.

 بە ڕاپۆرتی ئاژانسی هەواڵی مێهر، وەزارەتی دەرەوەی ئێران لە بەیاننامەیەکدا ڕایگەیاند: بوونی هێزە سەربازییەکانی ئەمریکا لە سووریا ناڕەوا بوو و بڕیاری ئەمریکا بۆ چوونە دەرەوە لە خاکی سووریا دەبێ زووتر بوایە.

وەزارەتی دەرەوەی ئێران هیوای خواستووە ئاشتی و پاوەجێی لە سووریا و ناوچەکە دوای ئەم کشانەوەی ئەمریکا بێتە دی .

ئەوەش ڕاگەیێندراوە کە ئێران بە نیگەرانیەوە دەڕوانێتە پرسی ئەگەری هاتنی هێزی سەربازی تورکیا بۆ خاکی سووریا و پێیوایە : ئەگەر کاری وا ببێت نەک تەنیا نیگەرانی ئەمنیی تورکیا چارەسەر نابێت، بەڵکوو دەبێتە هۆی خەساری گیانی و مادی بەرفراواندا و هەر بۆیە کۆماری ئیسلامی ئێران دژی هەرچەشنە ئۆپراسیۆنێکی سەربازیە کە ڕەنگە لەو ناوچەیە ڕوو بدات.

 کۆماری ئیسلامی ئێران بە پەیوەندی بەپەلە لە گەڵ بەرپرسانی تورکیا و سووریا بە مەبەستی نەهێشتنی نیگەرانیەکان لە ڕێگایەکی ئاشتی خوازانەوە ئامادەیی هەیە و جەخت دەکات ڕێز گرتن لە یەکپارچەیی نەتەوەیی و نیشتیمانیی سووریا و هەروەها ڕێککەوتنی ئادانا بنەمایەکی لەبارە بۆ گفتوگۆکان.

News Code 28758

نیشانەکان

بۆچوونی ئێوە

You are replying to: .
  • 6 + 10 =