ڕووسیا ڕۆڵی خۆی ببینێت لە ڕێگری لە قووڵتربوونی ئازارەكانی کوردی سووریا

وەزیری دەرەوەی ڕووسیا لەگەڵ سەرۆكی پارتی دیموكراتی كوردستان كۆبووەوە.

بە ڕاپۆرتی ئاژانسی هەواڵی مێهر, کەمێک پێش ئێستا كۆبوونەوەی سێرگی لاڤرۆڤ، وەزیری دەرەوەی ڕووسیا و مەسروور بارزانی سەرۆكایەتی ئەنجوومەنی وەزیرانی هەرێم، كۆتایی هات.

 دوابەدوای ئەو كۆبووونەوەیە، لاڤرۆڤ گەیشتە لای مەسعوود بارزانی و  بە ئامادەبوونی بەرپرسانی پارتی، لاڤرۆڤ و بارزانی گفتوگۆیان کرد.

بەگوێرەی راگەیەندراوێكی نووسینگەی رۆژنامەوانی مەسعوود بارزانی،"لە كۆبوونەوەكەدا وەزیری دەرەوەی ڕووسیا وێڕای ئاماژەپێدان بە پەیوەندییە مێژووییەكانی نێوان گەلی ڕووسیا و گەلی كوردستان ڕۆڵی خانەوادەی بارزانی و بە تایبەت مەلا مستەفا بارزانی كرد لە قووڵكردنەوەی ئەو پەیوەندییانە بەرز نرخاند".

هەر بە گوێرەی راگەیەندراوەكە، سێرگی لاڤرۆڤ هەروەها ئومێدی پێشڤەچونی پەیوەندییەكانی نێوان وڵاتەكەی و هەرێمی كوردستانی خواست لە بوارە جۆراوجۆرەكانی ئابوری و كولتوری و سیاسی.

لە بەشێكی تری وتەكانیدا وەزیری دەرەوەی ڕووسیا وێڕای شیكردنەوەی ئامانجەكانی سەردانی خۆی بۆ عێراق و هەرێمی كوردستان، خۆشحاڵیی خۆی بۆ باشتربوونی پەیوەندییەكانی نێوان هەولێر و بەغدا ڕاگەیاند.

ئەوەیشی خستەڕوو كە دوای شكستی داعش دیالۆگ و كاری هاوبەشی هەولێر و بەغدا دەبێتە هۆی چارەسەری گرفتەكان و پێشكەوتن و بووژانەوی ئابووری.

لەبەرانبەردا مەسعود بارزانی بە گەرمی بەخێرهاتنی وەزیری دەرەوی ڕوسیا و شاندی یاوەری كرد و پەیوەندییەكانی نێوان گەلی كوردستان و گەلی ڕووسیا بە پەیوەندیی مێژویی وەسف كرد كە بنەمایەكی بەهێز و پتەوی هەیە.

بارزانی داوایشی كرد ئەو پەیوەندییانە لە هەموو بوارێك پەرەبستێنێت. هەر لەو دانیشتنەدا مەسعوود بارزانی پەیوەندییەكانی هەولێر و بەغدا بە ئیجابی لە قەڵەم دا كە هەنگاوی باش بە ئاراستەی چارەسەركردنی كێشەكان بڕیوە و باشتربوونی ئەو پەیوەندییانە یارمەتیی سەقامگیریی ناوچەكە دەدات.

بارودۆخی سووریا و دوا پێشهاتە سیاسییەكانی سووریا تەوەرێكی تری ئەو كۆبوونەوەیە بوو و مەسعوود بارزانی نیگەرانییەكانی خۆی لەمەڕ ئاییندەی گەلی كورد لە سووریا بە وەزیری دەرەوەی ڕووسیا ڕاگەیاند.

داوایشی كرد ڕووسیا ڕۆڵی خۆی ببینێت لەوەی لە ئەگەری هەر ڕووداو و گۆڕانكارییەك ڕێگە لە قووڵتربوونی ئێش و ئازارەكانی گەلی كورد لە سووریا بگیرێت.

News Code 28746

نیشانەکان

بۆچوونی ئێوە

You are replying to: .
  • 6 + 1 =