ئیمام خامنەیی، فەرماندەی خێوەتگەی بەرخۆدان بەجێ ناهێڵین

ئەمینداری گشتیی حزبوڵڵای لوبنان لە وتەدانی بە بۆنەی رۆژانی ماتەمینی حسێنی (دخ) ڕایگەیاند کە رێبەری باڵای شۆڕشی ئیسلامی فەرماندەی خێوەتگەی بەرخۆدانە و حزبوڵڵا منداڵی ئیمام حسێن (دخ) بە جێ نایەڵێت.

بە ڕاپۆرتی ئاژانسی هەواڵی مێهر بە گێرانەوە لە کەناڵی "المنار"، سەید حەسەن نەسروڵڵا ئەمینداری گشتیی حزبوڵڵای لوبنان لە وتەدانی بە بۆنەی رۆژانی مانگی موحەڕەم و ماتەمینی حسێنی (دخ) جەختی کرد کە بەرخۆدان رێبەری باڵای شۆڕشی ئیسلامی بە فەرماندەی خێوەتگەی خۆی دەزانێ و کۆماری ئیسلامی ئێران لە بەرامبەر گوشاری ئەمریکا و ڕژیمی زایۆنی بەجێ نایەڵێت.

نەسروڵڵا ڕاشیگەیاند: ئێمە ئەوڕۆکە لە شەڕێکی گەورەداین و ئەمریکا، ئیسراییل دەیانەوێ خێوەتگە و بەرەکەمان گەمارۆ بدەن، بەڵام فەرماندەری ئەو خێوەتگەیە  ئیمام خامنەیی و ناوەندی خێوەتگەکەیش کۆماری ئیسلامیی ئێرانە کە بەرامبەر بە گەمارۆ، برسێتی و شەڕ بەچۆکدا نایەت و ئێمە تا دوایین دڵۆپی خوێنمان پشتیوانی لێ دەکەین.

ئەمینداری گشتیی حزبوڵڵا هەروەها ڕوو لە سەرۆک کۆماری ئەمریکا و سەرۆک وەزیرانی ڕژیمی زایۆنی وتی: ئەوشەو و بەیانی بە ترامپ و نەتانیاهۆ دەڵێین کە ئێمە گەلێکین نە گەمارۆ، نە بایکۆت و نە برسێتی بە چۆکمان ناهێنی و لە بەرامبەر ئەمریکا و ئیسرائیل بە ئیمام خامنەیی دەڵێین کە ئەی منداڵی حسێن (دخ)، ئێمە بە جێت ناهێڵین.

News Code 28292

نیشانەکان

بۆچوونی ئێوە

You are replying to: .
  • 1 + 14 =