بە ڕاپۆرتی ئاژانسی هەواڵی مێهر، فازڵ میرانی سکرتێری مەکتەبی سیاسی پارتی دیموکراتی کوردستان لە دیداری نەسروڵڵا ڕەشنوودی سەرکونسوڵی ئێران لە هەولێر بە ئاماژە بە پەیوەندیی چڕ و لەمێژینە و ڕیشەداری رێبەرانی پارتی لە گەڵ ئێران لە مێژووی هاوچەرخ بە تایبەت لە دوای سەرکەوتنی شۆڕشی ئیسلامی، وتی: ئێمە هەموو کات هاوکاری و پشتیوانی کۆماری ئیسلامیی ئێرانمان لەگەڵدا بووە و چاکە و پشتگیریی ئێرانییەکان لەبیر ناکەین.
فازڵ میرانی جەختیشی کرد: هەرێمی کوردستان خۆی بە ئەجێندایەکی ئیجابیی سەقامگیری و ئاسایشی ناوچە دەزانێت و هەرگیز ڕێگە نادەن لە هەرێمی کوردستانەوە هەڕەشە لە ئاسایشی ئێران بکرێت.
لەو دیدارەدا ڕەشنوودی سەرکونسوڵی ئێرانیش وێرای نرخاندنی هەڵوێستی ڕوون و دۆستانەی بەرپرسانی هەرێم، داهاتووی بە دەرفەتێک بۆ پەرەدانی پەیوەندییەکان و بەرزکردنەوەی ئاستی هاوکارییەکان لە بوارە جۆراوجۆرەکانی ئابووری، سیاسی، فەرهەنگی و ئەمنی زانی.
بۆچوونی ئێوە