ڕێبەری:درێژە بدەنە پێشکەوتن/ هێشتا سنوورەکانی تەکنۆلۆژیامان بەرەوپێشەوە نەبردووە

ڕێبەری باڵای شۆڕش جەختی کرد: ئێمە هێشتا بەو هەموو بەرەوپێش چوونەی کە دوای شۆڕش بەدەستمان هێناوە، نەمانتوانیوە سنوورەکانی تەکنۆلۆژیا بەرەوپێشەوە ببەین.

بە ڕاپۆرتی ئاژانسی هەواڵی مێهر، لە ماڵپەڕی راگەیاندنی نووسینگەی ڕێبەری، ئایەتوڵڵا خامنەیی بەیانی ئەمڕۆ چوارشەمە 16ی گەلاوێژ لە گەڵ گەنجانی هەڵکەوتە و خاوەن میدال لە ئۆلەمپیادە زانستییەکانی جیهان و هەروەها ئەندامانی هەڵبژاردەی نەتەوەیی والیباڵی گەنجانی وڵاتە کە بوونە پاڵەوانی جیهان دیداریان کرد.

ڕێبەری لەم دیدارەدا وتیان: پێشکەوتنی زانستی بەسوود بە وڵات، بە ڕوانگەیەکی شۆڕشگێرانە و لەسەر بنەمای فیکرەی ئیسلامی دەلوێت و دەبێ گەنجانی بلیمەت، ئامانجی سەرەکی خۆیان بکەنە دەست گەیاندن بە سنوورەکانی زانست و تەکنۆلۆژیا و بەرەوپێشەوە بردنی ئەم سنوورانە.

ڕێبەری لەم دیدارەدا وتیان کە گەنجانی هەڵکەوتە و وەرزشوان هیواکانی داهاتووی شۆڕش و وڵاتن.

ڕێبەری ڕوو لە گەنجان کە میدالیاکانیان پێشکەشی ڕێبەری کردبوو، ڕایانگەیاند: ئێمە شانازیتان پێوەدەکەین و سەربەرزی ئێوە سەربەرزی گەل و هەموو لایەنگرانی نیزامە.

 زیادیشیان کرد: سەرەڕای هەموو هەوڵەکانمان کە دوای سەرکەوتنی شؤڕش بە تایبەتی لە بیست ساڵی دواییدا سەبارەت بە جووڵەی زانستی و تەکنۆلۆژیا ئەنجام دراوە بەڵام ئێمە هێشتا بێ بەشی و دواکەوتوویی زۆرمان هەیە و گرینگترین ئەرکی بەرەی گەنجی هەڵکەوتە، جگە لە درێژەدان بە ڕێگای سەرکەوتنی زانستی، بەرەوپێش بردنی سنوورەکانی زانست و تەکنۆلۆژیایە.

جەختیشیان کرد کە چاوەڕوانیان ئەوەیە کە گەنجانی هەڵکەوتە و بەرەی داهاتوو، سەدان جۆرە نانۆ و دیاردەی نەناسراوی زانستی  بوونەوەر ناسی بدۆزنەوە و بەردەوام بن لە پێشکەوتن و بەرەوپێش بردنی وڵات.

News Code 27808

نیشانەکان

بۆچوونی ئێوە

You are replying to: .
  • 1 + 9 =