داعش بە بڵاوکردنەوەی گرتەیەکی ڤیدیۆیی هەڕەشەی لە تورکیا و ئەردۆغان کرد

دامەزراوەی SITE Intelligence Group لە هەواڵێکدا بە ئاماژە بە بڵاوبوونەوەی گرتەیەکی ڤیدیۆیی نوێ لە گرووپی تیرۆریستی داعش ڕایگەیاندووە کە داعش هەڕەشە لە تورکیا و خودی ئەردۆغان کردووە.

بە ڕاپۆرتی ئاژانسی هەواڵی مێهر لە ڕۆژنامە دیوار، ئەو دامەزراوە کە کار لە سەر لێکدانەوە و شرۆڤەی گرتە ڤیدیۆییەکانی داعش دەکات لە هەواڵێکدا ڕایگەیاند کە داعش هەڕەشەی جیدی لە ئەردۆگان و وڵاتی تورکیا کردووە.

 لەم ڤیدیۆیەدا کە ۵ خولەک و ۲ چرکەیە و ڕێکەوتی ۱۰ی جوولای ۲۰۱۹ بڵاوبووەتەوە، تیرۆریستێکی داعشی بە زمانی تورکی ئەستەنبۆڵی قسە دەکات و بە ناساندنی تورکیا بە ویلایەتی تورکیا هەڕەشە لەم وڵاتە و سەرۆک کۆمارەکەی دەکات

 لەم گرتەیەدا پێنج کەسی ئەندامی داعش ئامادەن کە ئەوەیان بە تورکی قسە دەکات، ناوی ئەبوو قەتادە تورکیە.

لە  کۆتاییدا پێنج تیرۆریستەکەی داعش بەیعەت بە ئەبووبەکر بەغدادی ڕێبەری تیرۆریستانی داعش دەکەن.

 شیاوی ئاماژەیە کە لەو ڤیدیۆیەی ۲۹ی ئاپڕیلی ۲۰۱۹ لە ئەبووبەکر بەغدادی بڵاوبووەوە، دۆسیەیەک بە دەستیەوەیە کە لە سەر نووسراوە ویلایەتی تورکیا.

News Code 27363

نیشانەکان

بۆچوونی ئێوە

You are replying to: .
  • 8 + 4 =