ئینتفازە لە کەرتی رۆژئاوایی و مانگرتن لە غەزە دژی دانیشتنی مەنامە

فەلەستینییەکان لە ناڕەزایەتی بە دانیشتنی ئەوڕۆ و بەیانیی مەنامە، لە کەرتی رۆژئاوایی و غەزە دەستیان دایە خۆپیشان و مانگرتن و سووتاندنی داوەڵی ترامپ.

بە ڕاپۆرتی ئاژنسی هەواڵی مێهر بە گێرانەوە لە هەواڵدەریی "معا"، ناوچەگەلی جۆراوجۆری کەرتی رۆژئاوایی بۆ دووهەمین رۆژی بەردەوام شایەدی خۆپیشاندان لە دژی مامەڵەی سەدە و دانیشتنی مەنامە کە بڕیارە ئەوڕۆ و بەیانی بەڕێوە بچێت، بووە.

لە بەیتولەحم فەلەستینییەکان بە بەڕێوەبردنی خۆپیشاندان لە ناوەندی شار، پلاکاردگەلێکیان لە ئیدانەکردنی دانیشتنی مەنامە هەڵدا و وێنەی ترامپیان سووتاند.

هەروەها هەزاران کەس لە نابلێس بە هەڵدانی ئاڵای فەلەستین، ئاڵای ڕژیمی زایۆنی و داوەڵی ترامپیان بە هێمای تووڕەیی لە ئاگردا سووتاند.

لە گەڵ وترانی دروشمگەلێکی وەک "فەلەستین فرۆشی نییە" و "قودس فرۆشی نییە" لە لایەن بەشداربووان لەو خۆپیشاندانانەدا، جیهاد ڕەمەزان لە بەرپرسانی بزووتنەوەی فەتح ڕایگەیاند: گەلی فەلەستین هاتوونەتە ئێرە هەتا بڵێن مامەڵەی ترامپ و دانیشتنی بەحرەین بە هیچ کۆ ناگات.

لە لایەکی دیکەوە غەزە شایەدی بەڕێوەچوونی مانگرتنی بەربڵاوە و داخرانی بانک و ناوەندگەلی بازرگانی، زانکۆ و ئۆرگانەکانی دیکەیە و بەرپرسانی بزووتنەوەی فەتح لەوبارەیەوە ڕایانگەیاندووە کە پەیامی خەڵکی فەلەستین بە داگیرکەران و دەوڵەتی ئەمریکا ئەوەیە کە ستەم درێژەی نابێ.

ئەم خۆپیشاندانە لە شارەکانی خەلیل و ئەریحا کە کەرتی رۆژئاوایی فەلەستینیشدا بەردەوام بووە و بەشداربووانی ئەو خۆپیشاندانانەش وێرای بایکۆتی مامەڵەی سەدە و دانیشتنی مەنامە، ڕایانگەیاندووە کە ئایدیای فەلەستین ماڵی و ئابووری نییە، بەڵکوو سەرزەوینە و گەلی فەلەستین دەستهەڵگری مافی خۆیان نابن و پێداگرن لە پێکهێنانی وڵاتێکی سەربەخۆ بە پایتەختی قودسی رۆژهەڵاتی.

News Code 27106

نیشانەکان

بۆچوونی ئێوە

You are replying to: .
  • 2 + 11 =